Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Kipú Onorúami alí sinibí mi bitélima

 PARTE 8

¿Chúsiá mukuli Jesús?

¿Chúsiá mukuli Jesús?

Jesús mukuli kiti mi oméroma sinibí bitea (Juan 3:16)

Bikiá rawé simírili japalí Jesús mukuli alí jaré umukí simíali inesia echoná risochí japoná toiru alí ke iyiri riwali. Jeobá ko ku wilásili Jesús.

Pe aʼlínala ko néwaikíli echi najátowala yúa alí echi amígowala yúa.

Echi ko ke wilásitami nili japi riká rejoy ka. Onorúami nalí ku wilásili japi riká bilé ángel we jiwérami japi ke siné mukumea. Echi Jesús najátowala ko riwali japalí ku roʼili ripá rewegachi.

 Onorúami ko ku wilásili Jesús alí wilali silíami niraa kiti nulama echi Gobiérnowala (Daniel 7:13, 14)

Jesús ko natétili mukuká kiti niyúbima echi pagótami echi cha nokiwáami kitra alí echi mukuwáami (Mateo 20:28). Kiti bela Onorúami ko nijí echi sinibí bitéliwami.

Jeobá ko wilali Jesús silíami niraa kiti nulama omáana Wichimóbachi. Ku jawásitami nima 144,000 pagótami nijéwami kiti echi yúa pirélima ripá rewegachi. Jepuná ju echi Onorúami Gobiérnowala japi najóraka nulama (Apocalipsis 14:1-3).

Echi Onorúami Gobiérnowala we baʼóami niwama echi Wichimóbachi. Ma ke nirúlima weli nakówami, karú ikiwáami, risoa níliwami alí lochéwami. Echi pagótami né bichíwali kaníliami nima (Salmo 145:16).