Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

¿Jépuká nalí noká japi Jeobá nulá jipi rawé?

¿Piri nakí Onorúami?

¿Piri nakí Onorúami?

Onorúami ko nakí japi ta sinibí kanílika pirélipa alí kilii biléana japoná we baʼóami nima.

Isini kaachi mujé mi nátika mi isíiré: “¿Chúriká nímiré echi?”. Echi Biblia aní japi echi Onorúami Gobiérnowala echi riká isiima. Echi Onorúami, japi niwali suwaba namuti, nakí japi sinéami machimea jepuná Gobierno kitra alí japi iyama echi pagótami (Salmo 37:11, 29; Isaías 9:7).

Onorúami ko nakí japi ta aʼlá pirélipa.

Japi riká bilé onolá nakí kiti aʼlá pirélima echi kúchuwala, tamujé Onolá, Onorúami, nakí kiti ta sinibí kanílika pirélipa (Isaías 48:17, 18). Echi ko aní “mapu ikí olako mapurigá Riosi nakí, abóniko sinibí niráa pirélama” (1 Juan 2:17).

Onorúami ko nakí japi ta éenipa echi ubulá.

Echi Biblia ko bineri japi Onorúami nakí kiti ta machiboa “echi buʼwéwala” kiti ta éenipa echoná (Isaías 2:2, 3). Echi ko “chapili jaré aboni mapurigá binói níwala niráa” kiti omáana piréami ruyérami nima japi echi nulá (Hechos 15:14).

Onorúami ko nakí japi napawika nóchilipa echi.

Echi bichíwiliami né bichíwali bineri japi anakupi niraa nakisáré echi pagótami (Juan 13:35). ¿Jépuká ju japi bineri echi pagótami omáana piréami kiti napawika nóchima Onorúami? Mi ta bayé kiti mi machimea echi, néeka jepuná oselí.

 

Che machiwaami

TAA BILÉ BINELÍWAMI ECHI BIBLIA KITRA

¿Chúriká ta bineri echi pagótami echi Biblia kitra?

Omáana Wichimóbachi machiwá echi testigo Jeobá kiti ke nipaká bineri. Iné japi chúriká bineri.

TAA BILÉ BINELÍWAMI ECHI BIBLIA KITRA

¿Chúsiá mi binésaré echi Biblia?

Wiká milloni pagótami ma machí japi aní echi Biblia alí echoná aká machili japi machinali chabé. Mujé ru, ¿Ami cho machinali japi aní echi biblia?