Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

¿Jépuká nalí noká japi Jeobá nulá jipi rawé?

 BINELÍWAMI 21

¿Piri aniwáami ju Betel?

¿Piri aniwáami ju Betel?

Japoná iyókiwa (Estados Unidos)

Alemania

Kenia

Colombia

Betel ko aniwáami ju, hebreo niraa, “Onorúami kalila” (Génesis 28: 17, 19). We aʼlá ju kiti echi riká riwaliwa echi kalí japi echi testigo Jeobá jáwili omáana Wichimóbachi, kiti echoná jona nulaliwa alí aniwá kumi nawisama. Echi Japi Aʼlá Niseri echoná Nueva York (Estados Unidos) muchuwi, alí echoná jonsa newaré japi chúriká nocháliwa echomí sucursales anelíami japi wikaná ayé países mi jawi. Sinéami echi rejimá japi echoná Betel muchuwa nocha aneliwa familia Betel kiti japi riká téemala niraa ju anárika sinéami chopi riká noká, echoná piré ka muchuwi, echoná koʼwá, echoná nocha alí napawika biné echi Biblia (Salmo 133:1).

Betel, bilé kalí japi we natéami ju; sinéami japi echoná muchuwi we nocha. Japi ikiana nirú Betel nocha muchuwi wiká rarámuli, umukí si, japi echoná muchuwi ko we nakí Jeobá alí sinibí rawé nocha japi Jeobá nakí alí kiti echi pagótami machimea echi Onorúami Gobiérnowala kitra (Mateo 6:33). Tasi wesi natétiwa japi echoná muchuwi, we nalí a iʼaliwa japoná pirélima, koʼwáami alí okuáabi winomí kiti ralimea japi newalé. Ibili niraa aneliwa piri nochama: jaré ko nocha echoná oficinas, jarecho ko wasi echi koʼwáami alí jarecho ko roʼwáami echi koʼwami, jaré ko nocha japoná niwaliwa echi oselí alí jarecho ko simárika riwé pachá ayé, wichoa ma, alí wiká namuti si noká.

Suwaba japi iki nokiwá Betel echi riká nóchika ayénachó nakuuri kiti nawisárami nima echi Onorúami Gobiérnowala. Ibili niraa japi ikiana nirú Betel a nocháliwa kiti aminabi pagótami machimea né bichíwali japi aní echi Biblia. Na oselí, japi mi leeri, echomí niwárami ju. Echi Japi Aʼlá Niseri bachá aʼlá ineli kiti aʼlá oserúami nima, ma sunisa ka, computadorachi osaka juali kiti echi rejimá japi omáana piréami ju osimea echi oselí japi riká aboni raʼicha, ma sunisa, nijili japoná wilí echi mákina, echi ko we sapú buyachali echi oselí alí nawisúlika muchúaka juali omáana 110 mil simírikami congregaciones. Ibili niraa japi nocha muchuwi Betel we natéami ju japi noká kiti nawisárami nima echi raʼíchali kalabé (Marcos 13:10).

  • ¿Jépuká nocha echoná Betel, alí piri iʼaliwa?

  • ¿Piri nóchali si we natéami nakuuri japi Betel muchuwi?