Inea japi nirú echoná

Inea echi okuá menú

Testigo Jeobá

ralámuli

¿Piri mi ko machí echi Biblia kitra?

¿Piri mi ko machí echi Biblia kitra?

¿Ami animéeré japi echi oselí...

  • ... pagótami natáala ju?

  • ... ochérami kiʼyáwala raʼicháala japi ke bichíwali ju?

  • ... Onorúami Raʼicháala ju?

 JAPI ANÍ ECHI BIBLIA

“Riosi galá ‘natárali jaré galabé oláami rijói mapurigá aboni osimea Riosi Raʼíchala achigórigá mapurigá Riosi [...] binérali.” (2 Timoteo 3:16, El Nuevo Testamento de nuestro Señor Jesucristo en tarahumara de Samachique.)

CHÚSIÁ AʼLÁ JU JAPI MI MACHIMEA

Kiti mi machimea echi bichíwali echi náriwami we natéami kitra, japi nárika noká echi pagótami japi riká: ¿Chúsiá ta suwí? ¿Chúsiá ta risoa nili? Alí jarecho si (Proverbios 2:1-5).

Kiti ta binériwa japi kanilia pirélipa (Salmo 119:105).

Kiti kilii niraa buwebo japi ikimea pe aminana (Romanos 15:4).

 ¿A AʼLÁ KEʼRÉ BICHIWA JAPI ANÍ ECHI BIBLIA?

Ayena, jenaʼí mi ruyema jepuná náriwami:

  • Sinéami chopi riká aníami osali. 40 pagótami osali echi Biblia alí sunili osayá 1,600 bamíali. Japi osali echi Biblia tasi napawika mochili osayá, echi riká ke machili jarecho osáami, we nalí sinéami chopi riká aníami osali alí bilepi binelíwami.

  • Echi osáami né bichíwika raʼíchali japi chati nokáami nili. Nirú pagótami japi biné japi ikili chabé alí echi ko nawesa japi nokali echi pagótami chabéwami. Echi ko ke nawesa japi chati nokáami nili. We nalí, echi pagótami japi osali echi Biblia né bichíwika ke riwélika osali echi chati namuti japi nokali (2 Crónicas 36:15, 16; Salmo 51:1-4).

  • Echi Biblia aní japi né echi riká ikimea. Echi Biblia ko anili japi echi ciudad Babilonia najunárami nima riweili. Echi riká aniiru né nokí 200 bamíali japalí kecho simíriachi echi (Isaías 13:17-22). Ke bi anili chúriká najuma riweili echi ciudad, alí chúriká najunárami nima riweili, ayénachó anili chu rewéami nima riweili echi silíami (Isaías 45:1-3).

    Suwaba japi aní echi Biblia japi ikimea riweili né suwaba echi riká ikísimi, echi riká ta machí japi né Onorúami Raʼicháala ju (2 Pegro 1:21).

 AMI NÁRIKA IJÓSIRÉ ISINI KAACHI

¿Chúriká ti kuʼírimalé echi Onorúami Raʼicháala?

Kiti mi machimea japi aní echi Biblia echoná ISAÍAS 48:17, 18 alí 2 TIMOTEO 3:16, 17.

Che machiwaami

RAʼÍCHALI KALABÉ JAPI ONORÚAMI NAWESA

¿A nijíiré Onorúami echi raʼíchali kalabé japi aní echi Biblia?

¿Chúsiá ta bichíwisaré japi echi Biblia né bichíwali aní?