¿A mi ko mayé japi echi Wichimóbachi...

  • ... pe echi riwélima bi japi riká jipi?

  • ... aminabi we cha nokísimiré?

  • ... we chakó we simá riwélima ko?

 JAPI ANÍ ECHI BIBLIA

“Riosi galá ku kanílatama aboni [...] echi pagótami ma ke tasi suwimea, nibilé auché nalákama, nibilé auché risúu animea, nibilé auché okoma; mapujiti suwaba mapu ikí chabénala nirúaliko, ma suwaba simárali.” (Apocalipsis 21:3, 4, El Nuevo Testamento de nuestro Señor Jesucristo en tarahumara de Samachique.)

CHÚSIÁ AʼLÁ JU JAPI MI MACHIMEA

We nirúlima nóchali japi mi nochama alí japi mi kanílima nocha (Isaías 65:21-23).

Ma ke wesi risoa nílima, alí ma ke nirúlima nawilí (Isaías 25:8; 33:24).

Sinibí we ta kanílika pirélipa tamujé téemala yúa, alí amigos (Salmo 37:11, 29).

 ¿A AʼLÁ KEʼRÉ BICHIWA JAPI ANÍ ECHI BIBLIA?

Ayena, jenaʼí mi ruyema jepuná náriwami:

  • Onorúami bi ju japi omérima nijía japi ta newalé, né bichíwali isima japi anili. Echi Biblia ko aní japi Onorúami “ne Walubela Riosi suwaba omérami ju” (Apocalipsis 15:3). Japalí je anisaa japi né simárika niwama echi Wichimóbachi, ata né machiná niraa machí japi né bichíwali aní, japi né echi riká isima. Kiti echi Biblia ko aní mapu “Riosi ne suwaba namuti galá omérami ju” (Mateo 19:26).

  • Onorúami ko né inili wiká namuti nijínala. Japi riká echi pagótami japi ma suwili, echi Biblia ko aní japi Jeobá né inili ku muchuwásinala (Job 14:14, 15).

    Ayénachó aní japi Jesús, echi Onorúami nolá, ku saʼweli echi nayúami. ¿Chúsiá echi riká isili? Kiti echi riká nakili (Márkosi 1:40, 41). Japi isili Jesús japalí jenaʼí Wichimóbachi iyénali né néwariwélitili japi riká isíiami niili binói Onolá, iwírili echi pagótami japi nakili japi iwíripo (Juan 5:19).

    Japi riká nokali chabé Jeobá alí Jesús jipi ayénachó né inili kiti echi pagótami kanilia pirélima pe aminana (Salmo 72:12-14; 145:16; 2 Pegro 3:9).

 AMI NÁRIKA IJÓSIRÉ ISINI KAACHI

¿Chúriká isima Onorúami we semati niwayá jenaʼí Wichimóbachi?

Kiti mi machimea japi aní echi Biblia echoná MATEO 6:9, 10 alí DANIEL 2:44.