Inea japi nirú echoná

Inea echi okuá menú

Testigo Jeobá

ralámuli

Echi oserúami japi nejá echi Japi Aʼlá Niseri

Echi oserúami japi nejá echi Japi Aʼlá Niseri

Nakirúami hermanos:

Né chabé bamíali ma simírili 2,600 bamíali, echi profeta Ezequiel a riwali bilé namuti we natéami: a riwali bilé waʼlú carruaje; japi mela inaro echi Jeobá ju, alí japi isimí echi carruaje nalí we natéami ju, jiti echi ko omáana iyena, ne jiwérika simiká iyena alí japalí simí biléana a echi riká bi inaro we sapuka (Ezeq. 1:4, 9, 12, 14, 16-27).

¿Piri ta biné echi jitra? Japi nocha Jeobá ripá rewegachi we sapuka nocha, ke ikó wisabi. Alí echi japi nochi Jeobá jenaʼí Wichimóbachi, ¿piri noká? Japi nokairu chabé bamíali a néwariwéliti jiti echi Jeobá puéblowala a we sapuka nocha jenaʼí Wichimóbachi.

Echomí Estados Unidos, wiká hermanos japi nocha echoná Betel a we jiwérika nóchali. Chabé echi né walubéala central mundial niili echoná Brooklyn, we nalí be jipi ko biléana cho nima, Warwick (Nueva York), jiti bela echi hermanos ko we nóchali toa echi namuti echoná kulíwami central mundial. Alí jarecho hermanos ko julárami ju jaréana cho Betel alí jarecho ko ma ke nocha Betel pe julárami ju jaréana cho países, jarecho betelitas ko nocha niwaká echi sucursales alí oweli kalí japoná newaliwa echi oweli napawíliwami alí ku alari echi kalí alí napabuli echi Sucursales, we chakó simiba japoná néwalelíwa echi nawésami. Chíkoré emi ko ke bela simíali chakena cho pirélisia, we nalí be we jiwérika noká nochia Jeobá.

Echi Japi Aʼlá Niseri we kanili jiti a machí jiti echi hermanos omáana Wichimoba piréami a we jiwérika nocha jiti a anari inárima echi nóchali japi Jeobá olá ripá rewegachi. Ata machí jiti wiká ma simiba jaréana cho japoná néwalelíwa echi nawésami. Jarecho ko a nawesa iseni raʼíchami we chakó nawesa sinucho riká. Alí sinéami hermanos a nijéwami ju japi riká ochérami, nayúami ma, a we anáchaka noká jiti pirélinali né sinibí, echi ko sinibí aʼlá nijéwika nochi Jeobá. Ata nochásaká we jiwérika ata néwariwéliti jiti Satanás we ikaléami ju (1 Cor. 9:24).

Ata machí jiti Jeobá ritiwá suwaba nóchali japi emi newá (Heb. 6:10). Japi riká Abrahán alí Sara; japalí Abrahán 70 simírika bamili, echi ko riweli japoná biteili, Ur anilíwachi, a simili biléana cho echi upila yúa alí jarecho téemala, we miká simili, echoná Canaán anilíwachi. Japalí echoná biteili, echi kalila ko pe chiʼní nili, ma bilé ciento bamili echi riká bitea alí ma mukuli. ¡Echi japi nokali Abrahán, echi upila Sara, we aʼlá nili; tako riweli larú jaré namuti we natéami echi ko we kanílika nijéwili Jeobá! (Gén. 11:31, Hech. 7:2, 3).

 Ata nárika nokisare, ¿ata echi riká cho nata japi riká echi? Sinéami japi ke riwé Jeobá jipi ma kuwachimi rawé a noká japi riká aniyé Jesús tamujé jitra. Echi ko nulali: “Simíbaga, binérasi né sinéami echi jaré pagótami, né suníami jenaʼí Wichimóbachi piréami, pakoka, echi Onorúami rewalá jitra alí echi nolá alí echi Onorúami jiwérala” (Mat. 28:19, TNM).

Japalí aní “simíbaga” Jesús ko a néwariwéliti jiti a we jiwérika nochásaré, ke isábika. Alí, ¡ata we kanili jiti ta ritiwá echi Jesucristo najátowami we nóchami ju, japi nokali chabé bamíali! A néwariwéliti jiti echi nawésali echi raʼíchali kalabé echi Onorúami Gobiérnowala jitra omáana Wichimoba a nikuuri Jeobá jiti echi riká nima (Mar. 13:10).

Wiká pagótami ma biné japi aní echi Biblia. Chabé bamíali 8,340,847 testigos Jeobá séali alí japi biné echi Biblia 10,115,264 michaachi niraa. A néwariwéliti echi carro celestial ke chukuba, ¡alí emi ke cho! Jiti bela a we jiwérika nochasi jiti Jeobá ma mulipi jéanimea: “ma aʼlá ju, ma ke nawesasi”.

Jiti bela, ¡we aʼlá ju echi texto japi nataba jena bamíali 2017! Jéaní: “We aʼlá wichiwi Jeobá, ke siné riwé aʼlabé olayá” (Sal. 37:3). Japalí ta nijewi jepuná raʼíchali alí ta noká echi japi aʼlá ju nijewia Jeobá, ata néwariwéliti japi ta wichiwi Jeobá. Sinibí rawé ata natásaré japi ta ke awénili muchuwi. Jesús ko anili: “Ayénachó ne galá machisí mapurigá Nijeni ʼyemi mi yuwa atí sinibí rawé” echalí kuwachimi rawé (Mat. 28:20). ¿We chakó ke echi riká ikiméeré?

Newalaba: echi Onorúami Jeobá a bijí nikúurima echi nóchali jitra japi ta newá; tako wiká ke, we chakó okuáabi ma, Jeobá ko nakí japi ta nokiboa suwaba japi ta omero né sulachí jonsa (2 Cor. 9:6, 7). Jiti bela, ata amachíkisaré tamujé Onolá, bineka echi Biblia alí bineria jarecho we kanílika. Alí tamujé aminabi nakiboa echi Jeobá.

Satanás ko a machí jiti ma keʼayó miʼlirúami nima, jiti bela echi ko nakí jiti ta riwepa Jeobá (Apoc. 12:12). Satanás ko a we jiwérika isima jiti ta riwepa Jeobá. We be ata wabé mulíwisaká Jeobá, echi Diablo ke omérima jiti ta riwepa Jeobá (Sal. 16:8). Jiti bela ke wikawasi jiti emi we nakiwáami ju alí mi ta matétara iyá jiti emi a nakuuro tibúa echi namuti Jeobá níwala jena kuwachimi rawé.

Echi hermanos,

Echi Testigo Jeobá Japi Aʼlá Niseri