Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Echi Biblia, ¿piri ju japi aní?

 BINELÍWAMI 14

Echi nawésami japi raʼicha japi Onorúami ané

Echi nawésami japi raʼicha japi Onorúami ané

Jeobá ko néeli echi nawésami kiti nawesama kiti echi Jerusalén suwábitami nima riweili alí kiti binérima chúriká nakili Onorúami japi nóchima alí echi namútiri echi Mesías kitra

ECHALÍ rawé, japalí echi isélikami nuláami nili echoná Israel alí Judá, echi nawésami ko we natéami nili. Sinéami echi a newaleli echi ke majawíami alí kiti né bichíwali bichíwima Onorúami kitra kiti oméroma anea jarecho japi Onorúami nuleli. Jepuná ko ju jaré namuti japi anili:

1. Echi Jerusalén suwábitami nili. Jaré japi nawésami nili Onorúami kitra, japi riká Isaías alí Jeremías, anili pe wabé wikabé bamíali japalí kecho ikili kiti echi Jerusalén suwábitami nima riweili alí ke tasi wesi pirélima riweili echoná. Ayénachó aniiru chúsiá iyórili Onorúami. Echi ko a bela anili larú japi a nakiyé Onorúami, pe ariká be nokali namuti chati ba, nakóami nili, ékiami nili, jarecho onorúami nakiyé alí jepuná ko we omonárili Jeobá (2 Reyes 21:10-15; Isaías 3:1-8, 16-26; Jeremías 2:1–3:13).

2. Chúriká nakili Onorúami japi nóchipa. Pe aminana 70 bamíali pirélisa echoná Babilóniachi, echi Onorúami puéblowala ko a ku roʼima riweili Jerusalenchi alí kariwema riweili echi Jeobá kalila, checho a ku nochama riweili echi Onorúami né bichíwali (Jeremías 46:27; Amós 9:13-15). Né nokí 200 bamíali japalí kecho simíriachi echi, Isaías anili japi bilé rejoy, japi Ciro rewéami nima riweili, nakoma riweili Babilonia yúa alí kiti riwema riweili kiti ku buyama echi pueblo. Ayénachó anili chúriká isiima riweili kiti mitimea echi ciudad (Isaías 44:24–45:3).

3. Echi Mesías alí binói bitéala. Echi Mesías ko ranarúami nima riweili echi mi ciudad Belén anilíachi (Miqueas 5:2). We aʼláala pagótami nima riweili alí ke niráami, echi ko bakimea riweili echoná Jerusalenchi bilé burrito aseka (Zacarías 9:9). Echi ko a we nakimea riweili echi pagótami, we nalí echi ko ke nakiwáami nima riweili jaré pagótami kitra (Isaías 42:1-3; 53:1, 3). Ayénachó we risoa nílika mukumea riweili. ¿Aniwáami ju jepuná kiti ke che siné bitélima riweili? Ke, kiti ku wilásitami nima riweili kiti nijima echi natétiwami alí kiti wikáwima echi pagótami japi noká namuti chati (Isaías 53:4, 5, 9-12).

4. Echi Mesías gobiérnowala. Echi pagótami ko ke me aʼlá omero nulayá kiti echi ko ke niwárami nili kiti nulama, we nalí echi Silíami echi Onorúami Gobiérnowala echi ko a omero. Echi ko reweima echi Silíami japi nijí Kilii Kaníliwami (Isaías 9:6, 7; Jeremías 10:23). Japalí nulasa jenaʼí Wichimóbachi, nirúlima kilii kaníliwami omáana kawichí, echi pagótami alí echi namuti jákami kanílika pirélima (Isaías 11:3-7). Keʼnéwaikimea suwaba echi nawilí (Isaías 33:24). Alí ma ke che nirúlima echi mukuwáami (Isaías 25:8). Wikabé mili pagótami a ku pirélima (Daniel 12:13).

(Jepuná ko uchúi echoná oselichi Isaías, Jeremías, Daniel, Amós, Miqueas alí Zacarías.)