Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Echi Biblia, ¿piri ju japi aní?

 BINELÍWAMI 2

Echoná Weʼé we baʼóachi jona machí awátami nili

Echoná Weʼé we baʼóachi jona machí awátami nili

Bilé ángel chati isiili kiti Adán alí Eva ke nakimea japi nulérami nima Onorúami kitra. Chotásili echi chati alí echi mukuwáami

WABÉ chabéi, japalí kecho piréachi echi pagótami, Onorúami niwali ángeles, echi ángeles tasi ritiwiwa. Bilé ángel, japi pe aminana rewairu Satanás alí Diablo, chati ayenli alí ékili Eva kiti koʼmea echi rakala japi Onorúami aneli japi ke koʼmea.

Echi Diablo ko néeli bilé sinói kiti Eva yúa raʼichama alí kiti anema kiti Onorúami iyiri ju kiti ke olama suwaba namuti kalabé. Ayénachó aneli a koʼsáaká echi rakala japi Onorúami aneli japi ke koʼmea, ke suwimea riweili. Echi ko nakiyé japi mayema japi Onorúami ikaleka aneli. Echi Diablo ko we simárika raʼíchili alí aneli ke nijéwisaká Onorúami machimea riweili suwaba namuti alí oméroma riké nokayá japi abói nokinaili. Jepuná ko walubé ikaléwami nili: echi bachá ikaléwami japi aniiru. Echi né bichíwali ko nili japi jepuná sayérala aniyé: ¿A nulásaré Onorúami ripá siyónachi alí Wichimóbachi? ¿A we aʼlá ju echi nuláala? ¿Ata aʼlá piré ata nijéwisaká?

Eva ko ékitami nili. Echalí jona mi koʼnalia nili echi rakala alí pe aminana ko ma koʼali. Pe alínala ko ma iyali kipi kunala, alí echi ko ayénachó koʼali. Chíkoré ta mayeipa japi ke me natéami nili, echi ko bilé namuti rikamti né wabé chati nili, ke nijéwili Onorúami. Echi ko a machili japi nokayé: tasi nakili japi nulérami nima echi Niwáami kitra, echi japi iyali suwaba japi olali alí echi bitéala baʼóami.

“Echi ko mi rikema moʼólachi alí mujé ko ikima raníkalachi.” (Génesis 3:15)

Onorúami ko a raʼíchali echi ke nijéwami yúa kiti echi ko nokali wabé chati namuti. Bachá ko jéanili japi, pe wabé aminana ko, julama riweili bilé rikamti, echi Nolá japi aniiru japi ranarúami nima riweili, japi ayénachó nili Niyúbiami, kiti miʼlimea echi sinói, Satanás. Pe alínala ko jéaneli Adán alí Eva japi suwimea riweili, we be nalí mi nakía nili echi kúchuwala kitra japi olama riweili alí kiti bela ke suwili echalí rawé ba. ¿Piri oméroma riweili buyea jepuná? Jeobá ko anili kiti echi pagótami japi julama ruli, echi kariwema riweili echi chati namuti japi nachutia nokali Adán alí Eva echi pagótami. We be nalí ¿jépuká be nima riweili pa jepuná Niyúbiami, alí piri isisá riweili kiti isiima japi Onorúami nakiyé? Kilipi kilipi niraa machiiru jepuná kitra, japalí osiiru echi Biblia.

Alí, Onorúami ko machí awali echi Adán alí Eva echoná Weʼé we baʼóachi jona. Japalí ma machí awairu, wabé nochasa riweili kiti oméroma koʼá. Alí biché, echi Eva ko ranali echi bacháwala ranala, Caín. Pe aminana ko, Adán alí Eva wiká kúchuwala olali, jaré ko nili Abel, Set alí Noé, japi Set jona nawali.

(Jepuná ko uchúi echoná Génesis capítulos 3-5 alí Apocalipsis 12:9.)