Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Oselí japi binepo echoná napawíliwachi Nokiboa japi riká isili Cristo  |  Octubre de 2017

 CHUTI RIKÁ NOKIBOA JAPI RIKÁ CRISTO

Aʼlá binéami nipo echi Biblia

Aʼlá binéami nipo echi Biblia

Japalí mi risoa nilisa, ¿chúriká mi aʼlá nijéwami nima Jeobá japi riká isili Daniel? Daniel ko sinibí aʼlá binéami nili Jeobá raʼicháala, echi ko we aʼlá bineli chu aniyá echi profecías (Da 9:2). ¿Chúsiá mi we aʼlá binésaré echi Biblia jiti mi nijéwami nima Jeobá? Ami binésaká ami we aʼlá bichíwima suwaba namuti japi isímaré Jeobá pe aminánami (Jos 23:14). Ami we nakisáaká Onorúami ami ke isima japi Jeobá kichí (Sl 97:10). ¿Piri mi binema? Jenaʼí timí ruyepo.

  • ¿Piri mi binema? Sinibí mi tarali binema japi aniwá echoná napawíliwachi. Ami aama texto japi mi ke moʼali japalí mi leérili echi Biblia; aminabi mi we machimea. Jarecho ko biné japi aní echi profecías, jaré ko biné japi chúriká aʼlá nokimea japi riká isimí Jeobá, jarecho ko biné kumi iyénila Pablo alí biné suwaba namuti japi Jeobá niwali. Natasa mi bilé versículo japi aní echi Biblia japi mi ke moʼali, osá jiti mi che siné binema.

  • ¿Kumi mi leérima jiti mi che machimea japi mi binénali? Ami che machimea ineka video Japi nirú jiti mi binema we natéami namuti japi aní echi Biblia. Jiti mi che aama japi aní echi Biblia, biné piri aniwáami ju echi namuti japi aní Daniel 7 alí aa chu iyiri país we omérami ka nulayá.

  • ¿Chu ikílipi ni binema echi Biblia? Jeobá mi amígówala nínalaká ami sinibí rawé binésaré echi Biblia. Ikírisami binea kuaabi niraa biné alí che siné ko mi wiká binémampa. Binewa echi Biblia, mujé ko isimí japi riká ko mi aa bilé namuti japi chiná atí, ma mi wiká riwisáa minabi mi che aama (Pr 2:3-6). We mi simá nílima binea echi Onorúami raʼíchala, tasi mi ku riwénilima binea echi Biblia sinibí mi binénilima (1Pe 2:2).

¿PIRI ANIWÁAMI JU ECHI NAMUTI JAPI ANÍ DANIEL 7?

  • Da 7:4

  • Da 7:5

  • Da 7:6

  • Da 7:7

AYÉNACHÓ:

¿Achi cho echi riká ikili japi aní Daniel 7:8, 24? ¿Chu ikili?

CHE WE BINÉ:

¿Piri aniwáami ju echi namuti japi aní Apocalipsis 13?