Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Oselí japi binepo echoná napawíliwachi Nokiboa japi riká isili Cristo  |  Junio de 2017

 CHUTI RIKÁ NOKIBOA JAPI RIKÁ CRISTO

Kanílisi simiba binérisia echi pagótami

Kanílisi simiba binérisia echi pagótami

¿Isini ami ke kaníliré simiyá echi pagótami binerisia? Tasi pe mujé bi échinili. Isini ti echi nili japalí ti yúa raʼicha echi pagótami jiti naʼáwami ju, jiti ke ipúnili, riwélimamiré yúa raʼichia echi pagótami. Echi nílisaká tasi ta kanilia jari bineria. Onorúami ko we kaníliami ju tamujé ayénachó we kanilia járisaré bineria (Sl 100:2; 1Ti 1:11TNM). ¿Chúsiá kanilia simásaré binérisia echi pagótami? A nirú bikiá namuti:

Bachá ko ju: Jiti ta nawesa japi we simá riwélima jenaʼí Wichimóbachi pe aminánami. Jipi ko echi pagótami aminabi we risoa nilia piré, mayé japi we cha riwélima, tamujé ko bineri japi pe aminánami simá riwélima; echi ruyewa we ku kanili (Isa 52:7). Tamujé a cho we kanili jiti ta machí japi chu isímaré echi Silíami japi Onorúami wilali. Ma simiyá nawisasia bachá teeli natá japi ikí namuti nirúlimaré jenaʼí Wichimóbachi ma mulipi.

Okuá ko ju: Ata bineri chúriká aʼlá kanilia pirélima echi pagótami jiti ma ke chati namuti nokiká pirélima; ayénachó ata bineri jiti amigo nima Onorúami yúa alí sinibí pirélima (Isa 48:17, 18; Ro 1:16). To natabo japi mi niyúbiami ju echi pagótami, we nalí jaré ko ke nakí japi nayúbipo, ¿achi mi pe riwémalé aa echi pagótami japi a nakí ko japi niyúbipo? (Mt 10:11-14).

Bikiá ko ju: We natéami ju jiti ta simárika raʼicha Jeobá jitra japalí ta bineri echi pagótami. Jeobá ko we natéami niraa ineni echi nóchili (Isa 43:10; Heb 6:10). Echi ko we kanílika nikuuri, Jeobá ko nijí espíritu santo jiti ta aʼlá oméripo nocha japi tamujé nuleli. Jiti bela mi Jeobá yúa raʼichasa rikao jiti mi kanilia inama bineria, émichinílima jiti Jeobá mi iyá espíritu santo (Gál 5:22). Ke majaka járipo nawesa jiti mulípira iyeni Jeobá nikuura (Hch 4:31). Tákoré naʼáwipa echi pagótami binériwa, tamujé ko kanilia járipo nawesia japi Jeobá nulá (Eze 3:3).

Japalí mi nawisasia simeya, ¿chu mi nilia inama? ¿Chúriká newaré japi mi we kanilia simí nawisasia?

MA INESA ECHI VIDEO: CÓMO RECUPERÉ LA ALEGRÍA DE SERVIR A JEHOVÁ. ANISÍ JAPI TI MI NÁRIPORÉ JENAʼÍ:

  • Tákoré mi wiká horas isii bineria echi pagótami, ¿chusiá we natéami ju japi mi bachá binema echi Biblia?

  • ¿Piri isili María jiti tamujé echi riká cho nokiboa?

  • Ma sunisa leeria echi Biblia ¿chúrikó mi nátika ripí japi mi leérili?

  • ¿Chúsiá mi we kanili nawesa iyena?