Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Oselí japi binepo echoná napawíliwachi Nokiboa japi riká isili Cristo  |  Abril de 2017

 CHUTI RIKÁ NOKIBOA JAPI RIKÁ CRISTO

Japalí ti wikarani Jeobá we ti kanili

Japalí ti wikarani Jeobá we ti kanili

Pablo alí Silas we kanílika wikaránili Jeobá japalí pachá moʼwara mochili (Hch 16:25). Chabé bamíali jaré hermanos ayénachó wikaránili Jeobá japalí pachá moʼara mochili Sachsenhausen, echomí Alemania, japalí echi nazis járili; alí jaré hermanos ko torúami nili Siberia echi ayénachó wikaránili Jeobá. Jiti we risoa nilia mochili wikaránisa Jeobá we ku kanili.

Jaré ko a olama echi cancionero osorúami japi riká raʼíchami ju aboni, Cantemos con gozo a Jehová. Ma nirúlisa na cancionero, japalí timí biné echi Biblia bitichí mujé téemala yúa, wikarasi jiti tami machiboa piri aníami ju echi letra (Ef 5:9 TNM). Japalí ta risoa nilia pirélisa, Jeobá ko iwérili nijima jiti ta newalabo piri aníami ju echi letra. Ata wikaránisaká Jeobá a tamujé iwírima jiti ke chibi labo nalí natabo japi ta buwé. Ata ke risoa nílipo ata wikarasa ka. Ke ti risoa nilia pirélisaká, we kanilia wikarabo jiti we simá aníami ju echi letra (1Cr 15:16; Sl 33:1-3). Iwérika nokiboa wikaráa na canciones.

INEPO ECHI VIDEO JÉANIAMI: ECHI HERMANOS JAPI RISOA OLÁRAMI NILI WIKARASA KU KANILI. ANÍ JAPI MI NÁRIPORÉ JENAʼÍ:

  • ¿Chúsiá osali canción echi hermano Erich Frost?

  • Echi hermanos japi pachá moʼara mochili echomí Sachsenhausen, ¿chu niili japalí wikarali echi canción?

  • Sinéami a kanili japalí wikaránili Jeobá, ¿chu kabú mi wikarama echi canciones jiti mi ku kanílima?

  • A nirú wiká canciones japi mi wikaránima Jeobá, ¿chu iyiri canción mi binema?