Inea japi nirú echoná

Inea: Jena’í mi riwimea

 CHUTI RIKÁ NOKIBOA JAPI RIKÁ CRISTO

Jeobá we kalé japi we aʼlárika piré

Jeobá we kalé japi we aʼlárika piré

Japi kúchuwami ju ko bineri echi kuuchi japi we aʼlá paníwima sikala, ayénachó japi aʼláriká wilama japoná ochí, japi pichika wilama pachá, alí ané japi aʼlárika wilama jiti ke nirúlima basura echoná bitichí. Onorúami ko ruyé sinéami pagótami japi echi riká pirélima we aʼlárika, jiti binoy echi riká ju (Éx 30:18-20; Dt 23:14; 2Co 7:1). Ubásaré ayénachó ke choliwéami nísaré echi namuti japi ta olá, echi riká machimea jarecho japi ta Jeobá nijéwami ju (1Pe 1:14-16). ¿Achi aʼlá pichita wilí japoná ni bité? Jaré pagótami ko carretera awá basura, jaré ko pe ubuchimi; japi Jeobá nijewi ko we aʼlá tibú jenaʼí wichimoba, jiti la ke miná awá basura (Sl 115:16; Apo 11:18). Jiti bela japalí dulce ukusa alí soda bajisa alí chicle ukusa bótechi muchuwásaré echi basura. Echi riká ta nokisáaká “siʼnéami pagótami galá machimea mapu tamujé, Riosi piónawala niráa jú” (2Co 6:3, 4).

INEPO ECHI VIDEO ONORÚAMI WE KALÉ JAPI WE AʼLÁRIKA PIRÉ, ANISÍ JAPI TI MI NÁRIPORÉ JENAʼÍ:

  • ¿Chu aní jaré pagótami japalí choliwéami olasa namuti?

  • ¿Chúsiá bijí nikúuro jipi echi Ley, japi Moisés osali japi aʼlárika pirélisaré?

  • ¿Chúriká machimea echi pagótami japi ta Jeobá nijéwami ju?

Japi riká Jeobá isimí, ¿chúriká ni isima jiti we aʼlárika bitélima?