Inea japi nirú echoná

Inea: Jena’í mi riwimea

 CHUTI RIKÁ NOKIBOA JAPI RIKÁ CRISTO

¿Ata ritiwá japi Onorúami niwali?

¿Ata ritiwá japi Onorúami niwali?

Japalí ta wiká siwáchili baʼóami iné alí sipolí japi we simare ripá muchuwami, echi baʼwí japi waʼlú mawá komichi, ¿achi ti nata Jeobá jitra? Japi ikí niwali Onorúami ata “ritiwá” echi riká ta machí japi Jeobá binoy niwali (Ro 1:20). Japalí ti iné echi namuti we baʼóami, echi riká ta machí japi Onorúami: we omérami ju, we nakíami ju, we machíami ju, we simá isiami ju alí sinéami chopi ikí namuti iyaami ju (Sl 104:24).

¿Chu iyiri mi ko namuti we baʼori japi mi sinibí rawe iné japi Jeobá niwali? Japi ciudad pire a ritiwá chuluwi ripá iníachi, ayénachó ine okó jáwami. Inésaká echi namuti japi Jeobá niwali echi riká ta nokisáaká ke me natabo japi ta risoa nílika piré, jiti ta machí japi isinibi risoa nílipo alí bichiwi japi Jeobá sinibí nikúrima jipi alí pee aminánami (Mt 6:25-32, TNM). Ami kuchúwaka, jéané echi kuuchi japi inema echi namuti japi Jeobá niwali. Waʼlú matétara iyabo Jeobá jiti we baʼóami niwali suwaba namuti japi ikí nirú, jiti ta minabi we mulíwipo (Sl 8:3, 4).

INEPO ECHI VIDEO JEANÍAMI LAS MARAVILLAS DE LA CREACIÓN REVELAN LA GLORIA DE DIOS: LA LUZ Y LOS COLORES, ANISÍ JAPI TI MI NÁRIPORÉ JENAʼÍ:

  • ¿Chúsiá ti a omeri inea wiká colores?

  • ¿Chúsiá ratábami ju echi namuti?

  • ¿Piri siá wiká colores machiná ripá ma mokowíachi echi rayénali?

  • ¿Piri mi namuti we baʼóami iné japomí mi bité?

  • ¿Piri sia aʼlá kilii inepo echi namuti japi Jeobá niwali?

¿Piri ni biné Jeobá jitra ineka wiká colores alí luz?