உயரமான ஒரு மலைக்கு: ஒருவேளை, எர்மோன் மலையைக் குறிக்கலாம். அது பிலிப்புச் செசரியாவுக்குப் பக்கத்தில் இருந்தது. (மத் 16:13-க்கான ஆராய்ச்சிக் குறிப்பைப் பாருங்கள்.) அது கடல் மட்டத்திலிருந்து 2,814 மீ. (9,232 அடி) உயரத்தில் இருந்தது. எர்மோன் மலையின் சிகரங்கள் ஒன்றில் இயேசு தோற்றம் மாறியிருக்கலாம்.​—இணைப்பு B10-ஐப் பாருங்கள்.

அவருடைய தோற்றம் மாறியது: இதற்கான கிரேக்க வினைச்சொல்தான் (மெட்டமார்ஃபோ) ரோ 12:2-லும் கொடுக்கப்பட்டுள்ளது.

நான் இவரை ஏற்றுக்கொள்கிறேன்: வே.வா., “அங்கீகரிக்கிறேன்; இவர்மேல் மிகவும் பிரியமாக இருக்கிறேன்.”​—மத் 3:17; 12:18-க்கான ஆராய்ச்சிக் குறிப்புகளைப் பாருங்கள்.

ஒரு குரல்: சுவிசேஷப் புத்தகங்களில், யெகோவா மனிதர்களிடம் பேசியதைப் பற்றிக் குறிப்பிடுகிற மூன்று பதிவுகளில் இது இரண்டாவது பதிவு.​—மத் 3:17; யோவா 12:28-க்கான ஆராய்ச்சிக் குறிப்புகளைப் பாருங்கள்.

மனிதகுமாரன்: மத் 8:20-க்கான ஆராய்ச்சிக் குறிப்பைப் பாருங்கள்.

மண்டிபோட்டு: மரியாதை காட்டுவதற்காக மண்டிபோடுவது பழங்கால மத்தியக் கிழக்கு நாடுகளில் வழக்கமாக இருந்தது; முக்கியமாக, மேலதிகாரிகளிடம் எதையாவது கேட்கும்போது மக்கள் மண்டிபோட்டார்கள்.

காக்காய்வலிப்பினால் அவதிப்படுகிறான்: மத் 4:24-க்கான ஆராய்ச்சிக் குறிப்பைப் பாருங்கள்.

உங்கள் விசுவாசம் குறைவாக இருப்பதுதான்: இதற்கான கிரேக்க வார்த்தைகள், ‘விசுவாசத்தில் குறைவுபட்டவர்கள்’ என்று மொழிபெயர்க்கப்பட்டுள்ள கிரேக்க வார்த்தையோடு சம்பந்தப்பட்டிருக்கின்றன. (மத் 6:30; 8:26; 14:31; 16:8; லூ 12:28) சீஷர்களுக்குக் கொஞ்சம்கூட விசுவாசம் இல்லை என்று இயேசு சொல்லவில்லை; அவர்களுக்கு இன்னும் நிறைய விசுவாசம் தேவைப்பட்டது என்றுதான் சொன்னார்.​—மத் 6:30; 8:26-க்கான ஆராய்ச்சிக் குறிப்புகளைப் பாருங்கள்.

உண்மையாகவே: மத் 5:18-க்கான ஆராய்ச்சிக் குறிப்பைப் பாருங்கள்.

கடுகளவு: வே.வா., “கடுகு விதையைப் போல மிகச் சிறிய அளவு.”​—மத் 13:31, 32-க்கான ஆராய்ச்சிக் குறிப்புகளைப் பாருங்கள்.

“ஆனாலும், இந்த வகையான பிசாசை ஜெபத்தினாலும் விரதத்தினாலும் தவிர மற்றபடி விரட்ட முடியாது” என்ற வார்த்தைகள் சில பழங்காலக் கையெழுத்துப் பிரதிகளில் கொடுக்கப்பட்டுள்ளன. (மாற் 9:29-க்கான ஆராய்ச்சிக் குறிப்பைப் பாருங்கள்.) ஆனால், மிகவும் பழமையான மற்றும் நம்பகமான பெரும்பாலான கையெழுத்துப் பிரதிகளில் இந்த வார்த்தைகள் இல்லை. அநேகமாக, இவை கடவுளுடைய சக்தியின் தூண்டுதலால் எழுதப்பட்ட வேதாகமத்தின் பாகமாக இருந்திருக்காது.​—இணைப்பு A3-ஐப் பாருங்கள்.

கப்பர்நகூமுக்கு: மத் 4:13-க்கான ஆராய்ச்சிக் குறிப்பைப் பாருங்கள்.

இரண்டு திராக்மா வரியை: நே.மொ., “இரட்டை திராக்மா வரியை.” (இணைப்பு B14-ஐப் பாருங்கள்.) மக்களிடம் வசூலிக்கப்பட்ட வரி வெவ்வேறு ஆலய வேலைகளுக்காகப் பயன்படுத்தப்பட்டது. (யாத் 30:12-16) இயேசுவின் காலத்தில், ஒவ்வொரு யூத ஆணும் (20 வயதும் அதற்கு அதிகமான வயதும் உள்ள ஒவ்வொரு ஆணும்) வருடாந்தர ஆலய வரியாக ஒரு குறிப்பிட்ட தொகையைக் காணிக்கையாகக் கொடுக்கும் வழக்கம் இருந்ததாகத் தெரிகிறது.

மகன்கள் வரி கட்ட வேண்டியதில்லையே: இயேசுவின் காலத்தில், ராஜாவின் குடும்பத்தைச் சேர்ந்தவர்களுக்கு வரிவிலக்கு அளிக்கப்பட்டதாகச் சொல்லப்படுகிறது.

தூண்டில்: இதற்கான கிரேக்க வார்த்தை கிறிஸ்தவ கிரேக்க வேதாகமத்தில் இங்கு மட்டும்தான் பயன்படுத்தப்பட்டுள்ளது; அநேகமாக, கயிற்றின் நுனியில் உள்ள கொக்கியில் இரை வைக்கப்பட்டு, தண்ணீருக்குள் போடப்பட்டது. மீன்பிடிப்பதைப் பற்றிய மற்ற எல்லா பதிவுகளிலும் (கிறிஸ்தவ கிரேக்க வேதாகமத்தின் பதிவுகளில்), வலைகளைப் பற்றித்தான் சொல்லப்பட்டிருக்கிறது.

வெள்ளிக் காசு: நே.மொ., “ஸ்தாத்தேர்.” இது டெட்ரா-திராக்மா என்று கருதப்படுகிறது. (இணைப்பு B14-ஐப் பாருங்கள்.) இது நான்கு திராக்மாவுக்கும் ஒரு சேக்கலுக்கும் சமமாக இருந்தது. இதுதான், இரண்டு பேர் ஆலய வரி செலுத்துவதற்குத் தேவைப்பட்ட தொகையாக இருந்தது.—யாத் 30:13.