Skip to content

Skip to secondary menu

யெகோவாவின் சாட்சிகள்

தமிழ்

இயேசு ஏன் கடவுளுடைய மகன் என்று அழைக்கப்படுகிறார்?

இயேசு ஏன் கடவுளுடைய மகன் என்று அழைக்கப்படுகிறார்?

பைபிள் தரும் பதில்

கடவுளுக்கு நிஜமாகவே ஒரு மனைவியோ, அந்த மனைவி மூலம் பிள்ளைகளோ கிடையாது. ஆனால், எல்லா உயிர்களையும் படைத்தவர் அவர்தான். (வெளிப்படுத்துதல் 4:11) அதனால்தான், கடவுள் படைத்த முதல் மனிதனாகிய ஆதாம் “கடவுளின் மகன்” என்று அழைக்கப்படுகிறான். (லூக்கா 3:38) இயேசுவின் விஷயத்திலும் அதுதான் உண்மை; இயேசு கடவுளால் படைக்கப்பட்டார் என்று பைபிள் கற்பிக்கிறது. அதனால்தான், இயேசுவும் “கடவுளுடைய மகன்” என்று அழைக்கப்படுகிறார்.—யோவான் 1:49.

ஆதாமைப் படைப்பதற்கு முன்பே இயேசுவைக் கடவுள் படைத்தார். இயேசுவைப் பற்றி அப்போஸ்தலன் பவுல் இப்படி எழுதினார்: “அவர் பார்க்க முடியாத கடவுளுடைய சாயலாகவும் படைப்புகளிலேயே முதல் படைப்பாகவும் இருக்கிறார்.” (கொலோசெயர் 1:15) பெத்லகேமிலுள்ள தொழுவத்தில் குழந்தையாகப் பிறப்பதற்கு வெகு காலத்திற்கு முன்னரே இயேசு உயிர் வாழ்ந்துகொண்டிருந்தார். சொல்லப்போனால், “அவர் எண்ணிலடங்காத வருஷங்களுக்கு முன்பிருந்தே, எத்தனையோ காலங்களுக்கு முன்பிருந்தே வாழ்ந்துவருகிறார்” என்று பைபிள் சொல்கிறது. (மீகா 5:2) ஆம், கடவுளுடைய முதல் மகனான இயேசு பூமியில் ஒரு மனிதனாகப் பிறப்பதற்கு முன்பே பரலோகத்தில் வாழ்ந்துவந்தார். “பரலோகத்திலிருந்து இறங்கி வந்திருக்கிறேன்” என்று இயேசுவே சொன்னார்.—யோவான் 6:38; 8:23.