Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Bageang Pěngangěndungang Pěbawiahẹ̌ Sahani dingangu Pelayanan i Kitẹ  |  September 2016

 PĚBAWIAHẸ̌ SAHANI

Tawe Botonge Koateng su Tempong Měněntiro Alkitapẹ̌

Tawe Botonge Koateng su Tempong Měněntiro Alkitapẹ̌
PANDAI
Text
Image

Tumanịu mal᷊awọ mẹ̌bisara: Abe mẹ̌pěndang i kau harusẹ̌ mělahẹ kěbị. Yesus něpakẹ kakiwal᷊o gunang mẹ̌tul᷊ung taumata mẹ̌tiněna dingangu měkoạ kesimpulan nẹ̌tatahino. (Matius 17:24-27) Mạeng měpakẹ kakiwal᷊o, pěngangěndungang makoạ mapaelẹ̌ kụ i kau sarung makasingkạ apa su ral᷊ung u naunge. (be-IN 253 ¶2-3) Su tempong bọu nẹ̌kiwal᷊o pakasabarẹ̌ měngampal᷊ẹ̌ sasimbahe. Mạeng sasimbahe nẹ̌sal᷊a, abe lighạ maul᷊ị sasimbahe katewe pěgělị kakiwal᷊o wal᷊inẹ gunang mẹ̌tul᷊ung si sie měkoạ kesimpulan nihino. (be-IN 238 ¶2-3) Abe bisara masahawu tadeạu i sire makaěna video buhu.be-IN 230 ¶4.

Měkoạ Pěngangěndungang Tawe Kaěnang: Abe pělahẹ kěbị apa seng nikasingkạtengu soal u pokok ene. (Yohanes 16:12) Lahẹe kětạeng pokok utama su paragraf ene. (be-IN 226 ¶4–227 ¶1) Maning lai mělahẹ sarang hal᷊ẹ̌ kakadodokange ene mapaelẹ̌, katewe ene makakoạ pokok utama tawe mal᷊ahẹ. (be-IN 235 ¶3) Mạeng i sie seng nakaěna pokok utama turusẹ̌ sarang bageang tuhụe.

Kětạeng Měgělị Informasi: I kitẹ mapulu apa niěndungang i sire ene masuẹ̌ su ral᷊ungu naung, bal᷊inẹbe kětạeng měgělị informasi. (Lukas 24:32) Pakẹ kawasang Hěngětang u Mawu su pěngangěndungang ene. Pẹ̌basae kětạeng ayetẹ̌ nělahẹ topik utama. (2 Korintus 10:4; Ibrani 4:12; be-IN 144 ¶1-3) Pěpakẹe sasihing gampang kaěnang. (be-IN 245 ¶2-4) Pẹ̌timbang bue apa nikaěnange dingangu i sie mangimang apa, bọu ene pilẹe pěngangěndungang nẹ̌tatahino. Pěgělị kakiwal᷊o kere: ”Tumuhụ si Kau kerea pěngangěndung ini?” ”Bọu pěngangěndungang ini i kitẹ nakaěndung apa bọu Yehuwa?” ”Tumuhụ si Kau, apa gunane měkoạ hal᷊ẹ̌ ini su pěbawiahẹ̌?”be-IN 238 ¶4-6; 259 ¶1.