Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Bageang Pěngangěndungang Pěbawiahẹ̌ Sahani dingangu Pelayanan i Kitẹ  |  Oktober 2017

 PĚBAWIAHẸ̌ SAHANI

Carane Makoạ Měngangěndung Alkitapẹ̌ Marading

Carane Makoạ Měngangěndung Alkitapẹ̌ Marading

Apa i kau mapulu tatapẹ̌ masatia kere i Daniel su tempong piạ sasal᷊ukạ? Daniel marading měngěndung Hengetang u Mawu, i sie lai něngěndung soal u těba­l᷊ẹ̌. (Dan 9:​2, NW) Marading měngěn­dung Alkitapẹ̌ makakoạ si kau tatapẹ̌ masatia. Kawe nụe kerene? Ual᷊ingu ene makakoạ si kau limembong mangimang kěbị dianding Yehuwa mang mariadi. (Yos 23:14) Ene lai makatoghasẹ̌ kakěndagu su Mawu, kụ makakoạ si kau mapulu měkoạ barang nihino. (Mzm 97:10) Katewe bọu apa i kau měnětạ? Pẹ̌tiněna piram baụ kakiwal᷊o ini.

  • Ia harusẹ̌ měngěndung soal u apa? Měngěndung pakapia ene lai mangal᷊ene měnadia bahan perhimpunan. Pẹ̌bawasang Alkitapẹ̌ sabang misa limembong mal᷊awọ gunane mạeng i kau měkoạ riset soal u apa tawe nikaěnaěngu. Piạ lai němile měngěndung soal u těbal᷊u Alkita­pẹ̌, haghing buang rohkẹ̌ u Mawu, apa nikoạ i Paulus su tempong nakoạ utusan injil, arau soal u apa seng niriading Yehuwa. Mạeng piạ kakiwal᷊o soal u Alkitapẹ̌, bohẹ kụ koạ ene topik gunang měngěndung tuhụe.

  • Su apa iạ makaěbạ lawọ informasi? Pẹ̌biala video Sarana Riset untuk Menggali Harta Rohani gunang makaěbạ piram baụ topik. Gunang měnal᷊ukạ apa i kau botonge, kěnang pědeạ i sai měngangawasa dunia kụ nisihing dingangu manga binatang su Daniel pasalẹ̌ 7.

  • Pira kal᷊awọe tempo botonge paketangku gunang měngěndung? Marading měngěndung ene kai kakunsị tadeạu rohani masehatẹ̌. ­Humotong i kau botonge měngěndung kětạeng mal᷊ighạ, katewe bọu ene kakạrěngụe. Měngěndung Hengetang u Mawu mẹ̌sul᷊ungu mědeạ arětạ mạbawuni; kakạl᷊awọe arětạ kaěbakengu, i kau limembong mapulu mědeạ! (Baw 2:​3-6) Kapulunu měngěndung Hengetang u Mawu sarung kakạtambane, kụ pěngangěndungang Alkitapẹ̌ mang turusẹ̌ ­koatengu.​—⁠1Ptr 2:⁠2.

APA MANGAL᷊ENE MANGA BINATANG SU BUKẸ̌ DANIEL PASALẸ̌ 7?

  • Dan 7:4

  • Dan 7:5

  • Dan 7:6

  • Dan 7:7

KAKIWAL᷊O WAL᷊INẸ:

Kerea Daniel 7:​8, 24 naghanapẹ̌?

TOPIK TUHỤE:

Apa mangal᷊ene manga binatang nilahẹ su Pělal᷊ahẹ pasalẹ̌ 13?