Parentang Yehuwa ene makariagạ si kitẹ. Katewe, tadeạu piạ gunane, i kitẹ harusẹ̌ měndesọ parenta ene su ral᷊ung u naung. (Baweran Salomo 7:3) Mạeng naung sěngkatau ělang i Yehuwa seng mělẹ̌lenga sarang barang nẹ̌sal᷊a, i sie sarung kaakal᷊eng u Setang. Baweran Salomo pasalẹ̌ 7 nẹ̌běke anạ mangudạ kụ němala naunge sẹ̌sane něngakal᷊ẹ̌ si sie. Apa botonge kaěndungang i kitẹ bọu pẹ̌sasal᷊a nikoạ e?

  • Setang měkoạ si kitẹ marau bọu Yehuwa. I sie měngakal᷊ẹ̌ si kitẹ tadeạu měkoạ barang nẹ̌sal᷊a bọu lima indra

  • Mapelesa dingangu matahuěna ene makatul᷊ung si kitẹ makasingkạ kakanoạ dal᷊akị kai makasilakạ, kụ i kitẹ harusẹ̌ mẹ̌těngkarau bọu bahaya rohani