Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Bageang Pěngangěndungang Pěbawiahẹ̌ Sahani dingangu Pelayanan i Kitẹ  |  November 2016

 PĚBAWIAHẸ̌ SAHANI

Kerea Měpakẹ Bukẹ̌ Apa yang Alkitab Katakan?

Kerea Měpakẹ Bukẹ̌ Apa yang Alkitab Katakan?

Bukẹ̌ Alkitab Katakan dingangu bukẹ̌ Alkitab Ajarkan mẹ̌papangawẹ. Těntirong Alkitapẹ̌ su bukẹ̌ Alkitab Katakan nipẹ̌tatuhụ kere su bukẹ̌ Alkitab Ajarkan. Katewe, bukẹ̌ Alkitab Katakan něpakẹ bawera sederhana kụ gampang kaěnang. Ini nikoạ gunang i sire apang tawe gampang makaěna bukẹ̌ Alkitab Ajarkan. Su bukẹ̌ Alkitab Katakan tawẹ apa apendiks katewe piạ catatan nělahẹ piram baụ istilah dingangu bawera su pasalẹ̌ ene. Su kěbị pasalẹ̌ tawẹ apa kakiwal᷊o pengantar dingangu kotak tinjauan. Katewe su pěngěnsuengu pasalẹ̌ piạ ringkasan bọu těntirong u Alkitapẹ̌ seng nilahẹ su pasalẹ̌ ene. Mẹ̌sul᷊ungu bukẹ̌ Alkitab Ajarkan, bukẹ̌ Alkitab Katakan botonge gělịkang su tempong měhabarẹ̌, maning bukẹ̌ ene bal᷊inẹ penawaran su wul᷊ang ene. Kerea i kitẹ botonge měpakẹ bageang buhu su bukẹ̌ Alkitab Katakan su tempong měněntiro Alkitapẹ̌?

RINGKASAN: Lawọ taumata mẹ̌pěndang, carane i kitẹ měngěndung Alkitapẹ̌, humotong mẹ̌basa paragraf su bukẹ̌ Alkitab Ajarkan bọu ene mẹ̌basa kakiwal᷊one ene kai cara mapaelẹ̌. Katewe, piạ taumata měngẹ̌ngěndung ěndịu tawe makaěna bawerane arau tawe makawasa mapia. Mạeng kerene, Anạu sěmbaụ botonge měmile měpakẹ bukẹ̌ Alkitab Katakan. Bọu ene, ringkasan su pasalẹ̌ ene botonge pakẹ gunang měngěndung dingange, kụ mạeng botonge gause i sie mẹ̌basa sẹ̌sane pasalẹ̌ ene. Sěnsul᷊ẹ měngěndung Anạu sěmbaụ botonge mělahẹ sěmbaụ těntirong Alkitapẹ̌ karěngụe 15 su měnitẹ̌ e. Ual᷊ingu ringkasan tawe mělahẹ kěbị lohong pasalẹ̌, Anạu sěmbaụ harusẹ̌ měnadia bahan ene pakapaelẹ̌ dingangu mẹ̌tahěndung kebutuhan apang měngẹ̌ngěndung. Mạeng i kitẹ měněntiro kere wiasane, ringkasan botonge paketang makoạ bahan tinjauan.

CATATAN: Istilah dingangu bawera nilahẹ su catatan, nipẹ̌tatuhụ kere su tempong ene simepụ su pasalẹ̌. Anạu sěmbaụ ěndịu měmile catatan su bukẹ̌ Alkitab Katakan ene lahẹkang su tempong měngěndung arau tala.