KAWE NỤE PENTING: Mạeng měngangěndung Alkitapẹ̌ seng někoạ persiapan, i sire limembong makaěna dingangu makatahěndung apa seng niěndungang i sire. Hasile, i sire limembong masahawụ měkoạ kemajuan rohani. Kụ maning i sire seng bọu nisahani, i sire lai harusẹ̌ měkoạ persiapan gunang pěngangibadang dingangu měnginjilẹ̌ tadeạu i sire botonge turusẹ̌ mẹ̌dariagạ. (Mat 25:13) Hakị u ene, mạeng i sire masingkạ carane měngěndung dingangu piạ jadwalẹ̌ měngěndung mapaelẹ̌, gunane sarung kapěndangeng i sire su kanandụu wiahi sire. Hakị u ene dongkeng humotong, i kitẹ harusẹ̌ mẹ̌tul᷊ung měngangěndung Alkitapẹ̌ tadeạu i sire mawiasa měkoạ persiapan.

KEREA CARANE:

  • Kakoạko tatěnoěng. (Rm 2:21) Su tempong měkoạ persiapan, pẹ̌tiněna soal u měngangěndung Alkitapẹ̌. (km-IN 11/15 3) Todẹko si sie i kau seng něngěhị arau někoạ tatiala su bukẹ̌u

  • Bahansangko i sie měkoạ persiapan. Mạeng seng masau měngěndung, paul᷊ị si sie, i sie harusẹ̌ měkoạ persiapan. Paul᷊ị apa gunane. Pěgělị těgu carane měnadia tempo gunang měkoạ persiapan. Su tempong měngěndung, pirang katau penyiar něgělị bukẹ̌ seng bọu nitialang pakiědang su měngangěndung, tadeạu i sie makasilo gunane měkoạ persiapan. Daloi i sie mạeng i sie někoạ persiapan

  • Todẹko carane měkoạ persiapan. Su tempong pěngangěndungang Alkitapẹ̌ seng masau kẹ̌koateng, pirang katau penyiar něpakẹ sěnsul᷊ẹ tempo měngěndung, gunang měnodẹ carane měkoạ persiapan