Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Bageang Pěngangěndungang Pěbawiahẹ̌ Sahani dingangu Pelayanan i Kitẹ  |  Maret 2017

 PĚBAWIAHẸ̌ SAHANI

Carane Měpakẹ Brosur Daringihẹ̌ko su Mawu

Carane Měpakẹ Brosur Daringihẹ̌ko su Mawu

Brosur Daringihẹ̌ko su Mawu nikoạ gunang měněntiro Alkitapẹ̌ měpakẹ gambarẹ̌ si sire apang masigěsạ mẹ̌basa. Sabang měngěndung botonge měpakẹ darua halaman kụ piạ gambare. Sene piạ tanda panah gunang měngahạ sarang gambarẹ̌ tuhụe ěndungang.

Manga gambarẹ̌ su brosur Daringihẹ̌ko su Mawu Tadeạu Měbiahẹ̌ sarang Karěngụe, mẹ̌sul᷊ung dingangu gambarẹ̌ su brosur Daringihẹ̌ko su Mawu. Katewe su ral᷊ungu brosur Daringihẹ̌ko su Mawu Tadeạu Měbiahẹ̌ sarang Karěngụe, piạ lawọ bohẹe kụ botonge paketang i sire apang masingkạ mẹ̌basa. Penyiar měpakẹ brosur ene mạeng apang měngẹ̌ngěndung něpakẹ brosur Daringihẹ̌ko su Mawu. Su piram baụ halaman piạ kotak lohone keterangan tambahan kụ ěndungang mạeng i sie botonge.

Anạu sěmbaụ botonge měgělị brosur ene maning bal᷊inẹ brosur ene pahiakeng su wul᷊ang ene. Su tempong měněntiro pakẹ e gambarẹ̌ gunang mělahẹ lohongu Alkitapẹ̌, bọu ene pakẹ kakiwal᷊o tadeạu Anạu sěmbaụ makasingkạ i sie nakahěngang arau tala. Basa dingangu bisarai ayatẹ̌ su bageang bawah bọu halaman niěndungang. Su tempong nasueng ěndunge brosur ini, pakẹ e bukẹ̌ Apa yang Sebenarnya Alkitab Ajarkan? arau bukẹ̌ Apa yang Alkitab Katakan? tadeạu apang něngěndung botonge měkoạ kemajuan sarang i sie sahaniang.