Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Bageang Pěngangěndungang Pelayanan dingangu Pěbawiahẹ̌ Sahani  |  Juni 2017

 PĚBAWIAHẸ̌ SAHANI

Kerea Katoghase Pangangimangu su Dianding Yehuwa?

Kerea Katoghase Pangangimangu su Dianding Yehuwa?

Yosua dingangi Salomo naul᷊ị tawẹ apa sěmbaụ bawera bọu dianding Yehuwa kụ tawe nariadi. (Yos 23:14; 1Rat 8:56) Běkeng duang katau botonge kapěngimangeng ini makatoghasẹ̌ dasaru pangangimang i kitẹ.—2Kor 13:1; Tit 1:2.

Kerea i Yehuwa napakasěhụ u diandi-Ne su tempong i Yosua? Pẹ̌bialạe dingangu keluarganu video Tidak Satu Kata Pun yang Tidak Ditepati”. Bọu ene, simbahẹ̌ko piram baụ kakiwal᷊o ini: (1) Kereạ i kau botonge mẹ̌těno pangangimang i Rahab? (Ibr 11:31; Yak 2:24-26) (2) Kerea kakanoạ i Akhan něnodẹ tawe tumuhụ ene sarung makarěntang silakạ? (3) Maning tau Gibeon kai tahapẹ̌sekẹ, kawe nụe i sire nẹ̌konti si Yosua kụ nẹ̌dame dingangu tau Israel? (4) Kerea hengetang i Yehuwa nariadi su tempong lima datung tau Amori nẹ̌sekẹ limawang tau Israel? (Yos 10:5-14) (5) Kerea i Yehuwa nẹ̌tul᷊ung si kau su tempong i kau někoạ kal᷊imona hal᷊ẹ̌ u Kararatuang dingangu kapulu-Ne su pěbawiahu?—Mat 6:33.

Mạeng i kitẹ mẹ̌tiněna kěbị apa seng nikoạ i Yehuwa, apa kẹ̌koateng’E orasẹ̌ ini, dingangu apa sarung koateng’E, pangangimang i kitẹ su diandi-Ne sauneng kakạtoghase.—Rm 8:31, 32.

Apa pangangimangu mẹ̌sul᷊ung dingangu pangangimang i Yosua?