Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Bageang Pěngangěndungang Pěbawiahẹ̌ Sahani dingangu Pelayanan i Kitẹ  |  Desember 2017

 PĚBAWIAHẸ̌ SAHANI

Pakatahuěnako su Pelayanan—Mẹ̌bisara dingangu Kěbị Taumata su Tampạ i Kitẹ

Pakatahuěnako su Pelayanan—Mẹ̌bisara dingangu Kěbị Taumata su Tampạ i Kitẹ

KAWE NỤE PENTING: Nabi Zakharia naul᷊ị taumata bọu haghing bangsa dingangu bawera sarung měnarimạ habarẹ̌ mapia. (Za 8:23) Katewe, i sai měněntiro si sire? (Rm 10:13-15) I kitẹ piạ hak istimewa dingangu tanggung jawab mẹ̌bawa habarẹ̌ mapia ini su kěbị taumata su tampạ i kitẹ.​—od-IN 84 ¶10-11.

KEREA CARANE:

  • Pěnadia kal᷊imona. Apa i kau hanesẹ̌ mẹ̌sombang dingangu taumata měpẹ̌pakẹ bawera wal᷊inẹ? Pakẹe JW Language gunang měngěndung kata pengantar manibụ. Pakẹe hp arau tablet gunang měnodẹ si sie carane makaěbạ lawọ informasi bọu jw.org su bawerane hala

  • Pakẹ tempo pakapia. Su tempong měnginjilẹ̌ bọu wal᷊e sarang bal᷊e, pěnginjilẹ̌ lai si sire apang sụsahe arau měngẹ̌ngampal᷊ẹ̌ su ral᷊ungu oto. Mạeng i kau měnginjilẹ̌ su tampạ mal᷊awọ taumata, abe sarang piạ urusang bal᷊inẹ makasahaghe

  • Pakarading. Mạeng piạ bal᷊e taghuange tawẹ dịe, pẹ̌tawakal᷊i saụ mẹ̌tiwo. Kěnang pěnginjilẹ̌ su taumata su kěbị bal᷊e su tampa ene, ěndịu su ěllo arau orasẹ̌ wal᷊inẹ. Aramanung piạ lai harusẹ̌ habareng měpakẹ telepon, suratẹ̌, arau su tempong mẹ̌nginjilẹ̌ su ral᷊eng

  • Saụ pẹ̌tiwo. Pakasahawụ mẹ̌tiwo si sire apang mapulu dumaringihẹ̌. Mạeng taghuangu wal᷊e měbẹ̌bisara su werang bal᷊inẹ, deạ penyiar apang botonge mẹ̌bisara měpakẹ bawera ene. Mạeng bědang tawe nakaěbạ penyiar ene, turusẹ̌e pẹ̌tiwo si sie.​—od-IN 94 ¶39-40

PẸ̌BIALA VIDEO MENGINJIL ”KE BAGIAN YANG PALING JAUH DI BUMI”. BỌU ENE, BISARAI KAKIWAL᷊O INI:

  • Apa nikoạ u anạu sěmbaụ tadeạu botonge měnginjilẹ̌ su tampạ marau? (1Kor 9:22, 23)

  • Sungkal᷊e apa tẹ̌tatěngong i sire?

  • Apa al᷊amatẹ̌ nikaěbakeng i sire?

  • Apa koatengu tadeạu botonge mẹ̌bisara dingangu kěbị taumata su tampạ pẹ̌tatanakengu?