Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Bageang Pěngangěndungang Pěbawiahẹ̌ Sahani dingangu Pelayanan i Kitẹ  |  April 2017

 PĚBAWIAHẸ̌ SAHANI

I Kau Botonge Mẹ̌tul᷊ung si Sire Apang Tawẹ Aktif

I Kau Botonge Mẹ̌tul᷊ung si Sire Apang Tawẹ Aktif

Su Salasạ, 11 April, lawọ tau Sahani apang tawe aktif sarung duměnta su Pẹ̌tatahěndungang Papateng Yesus. I sire seng tụtal᷊ang su ral᷊eng mětẹ̌timona pěbawiahẹ̌ katewe něnětạ nẹ̌těngkal᷊ongge. Piram baụ alasange nilahẹ su brosur Kembalilah kepada Yehuwa. (Ibr 12:1) Maning kerene, i sire tatapẹ̌ maarěga ual᷊ingu Yehuwa seng něměli si sire dingangu dahang Ahus’E. (MMR 20:28; 1Ptr 1:18, 19) Kerea i kitẹ mẹ̌tul᷊ung si sire tadeạu mẹ̌bal᷊ị sarang sidang?

Manga penatua mědẹ̌deạ si sire apang tawe aktif mẹ̌sul᷊ungu sěngkatau měngagahạ mědeạ domba nailang bọu komol᷊ang. (Luk 15:4-7) Ini něnodẹ Yehuwa mapadul᷊i dingangu makěndagẹ̌ si sire. (Yer 23:3, 4) I kitẹ kěbị botonge mẹ̌tul᷊ung taumata kerene bal᷊inẹ kětạeng manga penatua. Yehuwa mal᷊uasẹ̌ měmanda si kitẹ mạeng i kitẹ matal᷊ěntụ dingangu piạ pěndang mẹ̌sul᷊ung kere i sire. Hal᷊ẹ̌ ini tantu makal᷊uasẹ̌ naung. (Baw 19:17; MMR 20:35) Hakị u ene, pẹ̌tiněnạe i kau botonge mẹ̌tul᷊ung si sai, kụ pakasahawụ měkoạ ene!

PẸ̌BIALA VIDEO MEMBANTU YANG TIDAK AKTIF, BỌU ENE BISARAI KAKIWAL᷊O INI:

  • Apa nikoạ i Abbey su tempong i sie nẹ̌sombang dingangu Sahiding Yehuwa kụ buhudeng ene nẹ̌sěmạ dingange?

  • Kawe nụe i kitẹ harusẹ̌ mẹ̌kiwal᷊o kal᷊imona su manga penatua mạeng mẹ̌tul᷊ung taumata tawe aktif?

  • I Abbey něnadia apa su tempong saụ nẹ̌tiwo si Laura karuang sul᷊ẹe?

  • Kerea i Abbey tatapẹ̌ dụděnta, masabarẹ̌, dingangu makěndagẹ̌ su tempong mẹ̌tul᷊ung si Laura?

  • Apa botonge kaěndungang i kitẹ bọu sasihing i Yesus su Lukas 15:8-10?

  • Apa al᷊amatẹ̌ nikaěbạ ual᷊ingu sěngkapěhal᷊ẹ̌ nẹ̌tul᷊ung si Laura?