Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Těntiroi Anạ I Kamene

 PĚNGANGĚNDUNGANG 8

Yosia Dingangu Manga Hapị E Mapia

Yosia Dingangu Manga Hapị E Mapia

Apa si kau gampang měkoạ barang mapia?Lawọ taumata nẹ̌bera měkoạ barang mapia ene tawe gampang. Alkitapẹ̌ nẹ̌běke, piạ sěmbaụ anạ arenge, Yosia, i sie mapulu měkoạ barang mapia maning tawe gampang. Katewe, piạ manga hapị e mapia nẹ̌tul᷊ung si sie. Mahi i kitẹ mẹ̌basa běkeng i Yosia dingangu manga hapị e mapia.

I Yosia, papạ e i Amon, datung Yehuda. I Amon dal᷊akị sipate, i sie měngẹ̌ngibadah su berhala arau patong. Su tempong i papạ e nate, i Yosia nakoạ datu něngganti si papạ e. Katewe, umure buhudeng ual᷊u taung! Mạeng si kau kerea, apa sipatẹ̌ i Yosia lai dal᷊akị, mẹ̌sul᷊ung i papạ e?Tala, i sie mapia!

I Zefanya maul᷊ị su taumata, abe pěngibadah su berhala arau patong

I Yosia matuhụ si Yehuwa, maning i sie bědang kadodọ. Hakị u ene, i sie kětạeng mapulu měhapị dingangu taumata masayang si Yehuwa. Manga hapị e ini mẹ̌tul᷊ung si sie měkoạ barang mapia. I sai-sai hapị i Yosia ene?

 Sěmbaụ hapị e, i Zefanya. I sie nabi. I Zefanya masauh maul᷊ị su taumata, abe pěngibadah su berhala arau patong, tadeạu i sire tawe makaěbạ hukumang. I Yosia dụdaringihẹ̌ si Zefanya, kụ i sie něngibadah si Yehuwa bal᷊inẹ su berhala arau patong.

Hapị i Yosia lai, arenge i Yeremia. Umurẹ̌ i rẹ̌dua mẹ̌sul᷊ung, wal᷊eng i rẹ̌dua tawe tumanịu marauh. I rẹ̌dua nakoạ hapị mapia. Su tempong i Yosia nate, i Yeremia někoạ kakantarị gunang mẹ̌tahěndung si Yosia. I Yeremia dingangi Yosia mẹ̌tatul᷊ung měkoạ barang mapia dingangu tumuhụ si Yehuwa.

I Yeremia dingangi Yosia mẹ̌tatul᷊ung měkoạ barang mapia

Kere apa i kau botonge mẹ̌těno si Yosia?Bọu i sie bědang kadodọ, i Yosia matuhụ si Yehuwa. I sie kětạeng mapulu měhapị dingangu taumata masayang si Yehuwa. Hakị u ene, i kau lai harusẹ̌ měmile hapị masayang si Yehuwa, kụ mẹ̌tul᷊ung si kau měkoạ barang mapia!

BASA SU ALKITAPẸ̌

  • 2 Kararatuang 33:21-25; 34:1, 2; 35:25