Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Těntiroi Anạ I Kamene

 PĚNGANGĚNDUNGANG 13

Timotius Mapulu Mẹ̌tul᷊ung Taumata Wal᷊inẹ

Timotius Mapulu Mẹ̌tul᷊ung Taumata Wal᷊inẹ

Timotius ene anạ mangudạ mapulu mẹ̌tul᷊ung taumata. I sie nakoạ sarang lawọ tampạ gunang mẹ̌tul᷊ung taumata lawọ. Hakị u ene, biahe mal᷊uasẹ̌. I kau mapulu masingkạ běkene?

Mamạ i Timotius dingangi omane něněntiro si sie, i sai Yehuwa

I Timotius nẹ̌tanạ su kota Listra. Su tempong i sie bědang kadodọ, i omane Lois dingangi mamạ e, i Eunike, něněntiro si sie i sai Yehuwa. Hakị u ene, i Timotius mapulu mẹ̌tul᷊ung taumata wal᷊inẹ masingkạ i sai Yehuwa.

Su tempong i Timotius seng umbaseng, i Paulus nakiwal᷊o, apa i Timotius mapulu tumol᷊e si sie měnginjilẹ̌ su tampạ bal᷊inẹ. I sie  simimbahẹ̌: ’Iya, iạ mapulu!’ Hakị u ene, i Timotius timol᷊e si Paulus mẹ̌tul᷊ung taumata wal᷊inẹ.

I Timotius dingangi Paulus nakoạ sarang sěmbaụ kota su Makedonia, arenge Tesalonika. Tadeạu mahumpạ sene, i rẹ̌dua harusẹ̌ dumal᷊eng marauh, bọu ene lai sumake sakaeng. Su Tesalonika, i rẹ̌dua nẹ̌tul᷊ung lawọ taumata měngěndung i sai Yehuwa. Katewe, piạ taumata nẹ̌pědu dingangu mapulu měkoạ barang dal᷊akị si rẹ̌dua. Hakị u ene, i Paulus děduang Timotius siměbang bọu kota ene.

Biahi Timotius mal᷊uasẹ̌

Pira wul᷊ang bọu ene, i Paulus něngoro si Timotius pěbal᷊ị sarang Tesalonika, pěmanda tau Sahani su kota ene. Su Tesalonika bědang piạ taumata mạdiri si Timotius! Katewe, i Timotius tatapẹ̌ něbal᷊ị ual᷊ingu i sie mapulu masingkạ kerea tau Sahani sene. Bọu ene, i Timotius nakoạ sarang i Paulus, kụ nẹ̌bawa habarẹ̌ mapia. Tau Sahani su Tesalonika, i sire kěbị habare mapia.

Pira taung, i Timotius něnginjilẹ̌ dingangi Paulus. I Paulus naul᷊ị, i Timotius mapaelẹ̌ mẹ̌tul᷊ung sidang-sidang. Kawe i sie nẹ̌bera kerene? Ual᷊ingu i Timotius masayang si Yehuwa, i sie lai masayang su tau Sahani.

Apa i kau lai masayang su taumata wal᷊inẹ dingangu mapulu mẹ̌tul᷊ung si sire masingkạ i sai Yehuwa?Mạeng i kau měkoạ ene, biahu lai sarung mal᷊uasẹ̌, mẹ̌sul᷊ung i Timotius!

BASA SU ALKITAPẸ̌