Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Těntiroi Anạ I Kamene

 PĚNGANGĚNDUNGANG 3

Rahab Mangimang si Yehuwa

Rahab Mangimang si Yehuwa

Anggape i kau nẹ̌tanạ su Yerikho. Kota ene su Kanaan, taumatane tawe mangimang si Yehuwa. Piạ sěngkatau wawine su kota ene, arenge i Rahab.

Su tempong i Rahab bědang kadodọ, i sie nakaringihẹ̌ běkeng u tau Israel, kerea i Musa něměka laudẹ̌ mahamụ sarang tau Israel botonge siměbang bọu Měsirẹ̌. I sie lai nakaringihẹ̌ Yehuwa nẹ̌tul᷊ung tau Israel tadeạu nakauntung su tempong nẹ̌perang. Orasẹ̌ ini i sie nakaringihẹ̌ tau Israel někoạ tenda maraning Yerikho!

I Rahab němuni darua mata-mata ual᷊ingu i sie mangimang si Yehuwa

Darua mata-mata bọu Israel nakoạ sarang Yerikho su tempong hěbi. I rẹ̌dua nahumpạ su wal᷊eng i Rahab. I Rahab němaringang si rẹ̌dua suẹ̌ su wal᷊e, kụ pětikị sene. Su hěbị ene datung Yerikho nakaringihẹ̌ piạ darua mata-mata su wal᷊eng i Rahab. Datu něngoro taumatane pěnamẹ darua mata-mata ene. Katewe, i Rahab němuni darua mata-mata ene su wowong wal᷊ene. Bọu ene i sie nẹ̌bera su taumata niorong datu: ’Iya kahěngang, i rẹ̌dua kanini sini, katewe seng siměbang, mạeng i kamene masahawụ, i kamene makasamẹ si rẹ̌dua!’ Apa i kau masingkạ kawe nụe i Rahab němuni darua mata-mata ene?Ual᷊ingu i sie mangimang si Yehuwa, kụ i sie lai masingkạ Yehuwa sarung měgělị ěntanang Kanaan su tau Israel.

Su tempong darua mata-mata seng suměbang bọu wal᷊eng i Rahab, i rẹ̌dua nẹ̌diandi, i Rahab dingangu keluargane masal᷊amatẹ̌ su tempong tau Israel mẹ̌perang dingangu tau Yerikho. Katewe harusẹ̌ piạ barang koateng i Rahab. I kau masingkạ apa ene?’i sire nẹ̌bera: Al᷊ạko tal᷊i mahamụ ini, kụ gantong ini su janelanu. Mạeng i kau měkoạ ene, kěbị taumata su ral᷊ung wal᷊enu masal᷊amatẹ̌.’ I Rahab někoạ kere apa nioro si sie. I kau masingkạ bọu ene apa nariadi?

Yehuwa něnal᷊amatẹ̌ si Rahab dingangu kěbị keluargane

Pira ěllo bọu ene, tau Israel marěmasẹ̌ nělikụ kota Yerikho. Sěnsul᷊ẹ sahěllo, i sire něbarisẹ̌ nělikụ kota ene karěngụe ěnungu ěllo. Katewe su ěllo kapitune, i sire nělikụ kota ene pitung sul᷊ẹ. Bọu ene němansagẹ̌. Yehuwa někoạ kota ene nahaka. Katewe,  bal᷊e piạ tal᷊i mahamụ tawe nahaka! Apa i kau nakasilo sude wal᷊e ene su gambarẹ̌?— I Rahab dingangu keluargane nasal᷊amatẹ̌!

Kere apa i kau botonge mẹ̌těno si Rahab?I Rahab mangimang si Yehuwa ual᷊ingu i sie masingkạ kěbị apa seng nikoạ i Yehuwa. I kau lai seng masingkạ lawọ apa seng nikoạ i Yehuwa. Apa i kau lai mangimang si Yehuwa kere i Rahab?I kami masingkạ i kau mangimang!

BASA SU ALKITAPẸ̌

  • Yosua 2:1-24; 6:1-5, 14, 15, 20-25

  • Ibrani 11:31