Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Těntiroi Anạ I Kamene

 PĚNGANGĚNDUNGANG 12

Anạ Esẹ Bahani

Anạ Esẹ Bahani

Mahi i kitẹ měngěndung kerea sěmbaụ anạ esẹ něnal᷊amatẹ̌ si kakạ i mamạ e. Kakạ i mamạ e ini arenge i rasul Paulus. Alkitapẹ̌ tawe nẹ̌běke i sai areng anạ ene, katewe i kitẹ masingkạ i sie tantu anạ bahani. Apa i kau mapulu dumaringihẹ̌ běkene?

Su Yerusalem i Paulus nisuẹ̌ su penjara ual᷊ingu i sie turusẹ̌ měbẹ̌běke i sai Yesus. Piạ taumata dal᷊akị mạdiri si Paulus. I sire někoạ rencana dal᷊akị. I sire nẹ̌bera: ’Mahi i kitẹ maul᷊ị si komandan tadeạu pẹ̌bawa si Paulus sarang pengadilan. I kitẹ mẹ̌kěmbuni, mạeng i Paulus sumahe, i kitẹ měmate si sie!’

Manga anạ i Paulus nẹ̌běke rencana dal᷊aị ene si Paulus dingangu si komandan

Manga anạ i Paulus nakaringihẹ̌ rencana ene, kụ apa nikoạ e? I sie nakoạ sarang penjara, kụ nẹ̌běke si Paulus. Paulus něngoro si sie pẹ̌běke lai rencana dal᷊aị ene si komandan. Mạeng si kau kerea, apa ene gampang mẹ̌běke si komandan?Tala, ual᷊ingu komandan ene kai pangkate marangẹ. Katewe, manga anạ i Paulus ini bahani mẹ̌bisara si komandan.

Komandan ene někoạ kere niwerang manga anạ i Paulus. I sie něngoro 500 tentara pěndiagạ si Paulus! Hěbi ene, i sire harusẹ̌ mẹ̌bawa si Paulus sarang Kaisarea. Apa i Paulus nasal᷊amatẹ̌?Iya, ual᷊ingu taumata dal᷊akị tawe nakapate si Paulus. Rencana dal᷊aị i sire tawe nariadi.

I kau něngěndung apa bọu běke ini?I kau lai botonge makoạ bahani kere manga anạ i Paulus. I kitẹ lai harusẹ̌ bahani mẹ̌běke su taumata wal᷊inẹ apa nikoạ i Yehuwa. Apa i kau mapulu makoạ anạ bahani, kụ turusẹ̌ mẹ̌běke apa nikoạ i Yehuwa?Mạeng i kau bahani i kau lai botonge měnal᷊amatẹ̌ taumata wal᷊inẹ.

BASA SU ALKITAPẸ̌

  • Rarolohang 23:12-24

  • Matius 24:14; 28:18-20

  • 1 Timotius 4:16