Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Sěntahanakengu Botonge Mal᷊unsemahẹ̌

 BAGEANG 1

Deạko Těntirong Mawu Tadeạu Mal᷊unsemahẹ̌

Deạko Těntirong Mawu Tadeạu Mal᷊unsemahẹ̌

”Měndariadi taumata nạung bọu tětạe něndiadi si rẹ̌dua esẹ dingangu wawine.”Matius 19:4

Mawu Yehuwa * někoạ pẹ̌kakawing kahumotongange. Su ral᷊ungu Binohẹ Susi niwěke, Mawu něndiadi wawine kahumotongange kụ ”niwawane i sie sarang anung taumata ene.” I Adam měngkatewe mal᷊uasẹ̌, i sie naul᷊ị: ”Ini . . . ruhi wọu ruhiku ringangu ghěsi wọu ghěsiku.” (Pěndariadi 2:22, 23) Sarang orasẹ̌ ini lai, Yehuwa mapulu i sire apang seng bọu nẹ̌kawing mal᷊uasẹ̌.

Su tempong buhudeng nẹ̌kawing, i kau tantu mẹ̌pikirẹ̌ kěbị tawe kurange. Katewe sěběnarẹ̌e, maning pẹ̌sěngkawingang ene měkẹ̌kakěndagẹ̌, i sire mang makahombang sigěsạ. (1 Korintus 7: 28) Su ral᷊ungu brosur ini, piạ lawọ těntirong Binohẹ Susi, kụ mạeng i kau tumol᷊e těntiro ene, pẹ̌kakawingu sarung mal᷊unsemahẹ̌.Mazmurẹ̌ 19:8-11.

 1 TARIMẠ E TUGASẸ̌ NIGHĚLỊ I YEHUWA

APA NIUL᷊Ị U BINOHẸ SUSI: Esẹ kai těmbonangu keluarga.Efesus 5:23.

Apang kawing esẹ, Yehuwa mapulu i kamene pakapia měkoạ kawing i kamene. (1 Petrus 3:7) I Sie něgělị wawine tadeạu mẹ̌sumbala si kamene, kụ i Sie lai mapulu i kamene měngarěga dingangu makěndagẹ̌ si sire. (Pěndariadi 2:18) I kau harusẹ̌ lai pakakěndagẹ̌ su kawingu, limembong bọu watangengu hala.Efesus 5:25-29.

Mạeng i kau kawing wawine, Yehuwa mapulu i kau pakạadatẹ̌ su kawingu, kụ lai pẹ̌sasumbala dingange. (1 Korintus 11:3; Efesus 5:33) Su tempong i sie někoạ putusang i kau harusẹ̌ tol᷊e, kụ sěngkapěhal᷊ẹ̌ dingangu kaguwạ u naungu. (Kolose 3:18) Mạeng měkoạ kěbị ene, i kau kai kasilong mal᷊ěnggi-l᷊ěnggihẹ̌ su těngong kawingu, dingangu su těngong Yehuwa.1 Petrus 3:1-6.

APA HARUSẸ̌ KOATENG:

  • Pěkiwal᷊o e su kawingu kerea i kau botonge makoạ kawing mapia, daringihẹ̌ pakapia, kụ kahěngang-hěngang pẹ̌bal᷊ui

  • Pakasabarẹ̌. Ual᷊ingu měkoạ kawing mal᷊uasẹ̌ ene kai tawe gampang

2 PAKAPADUL᷊I SU PĚNDANG U KAWINGU

APA NIUL᷊Ị U BINOHẸ SUSI: I kau harusẹ̌ mapandung su hal᷊ẹ̌ u kawingu. (Filipi 2:3, 4) Pakapia měkoạ si sie ual᷊ingu i sie kai mạarěga, tahěndunge Yehuwa nẹ̌parenta i kitẹ harusẹ̌ ”mahimumu su kěbị taumata.” (2 Timotius 2:24) ”Pal᷊ahumbisara tạtimonane e makal᷊esẹ naung kere pilị u peda, arawe wawera mapia e mẹ̌sul᷊ungu undang makaul᷊e sakị.” Hakị u ene pakapia měluang bawera. (Baweran Salomo 12:18) Rohkẹ̌ u Mawu Yehuwa sarung mẹ̌tul᷊ung si kau tadeạu mẹ̌bisara mapia dingangu maal᷊usẹ̌.—Galatia 5:22, 23; Kolose 4:6.

APA HARUSẸ̌ KOATENG:

  • Pědoa e mědorong tul᷊ung su Mawu, tadeạu i Sie měgělị tiněna mapia su tempong piạ sigěsạ su ral᷊ungu pẹ̌kakawing

  • Pẹ̌tiněna pakapia apa paul᷊ikang dingangu kerea maul᷊ị ene

 3 SĚNGKAPẸ̌TINĚNA, SĚNGKAPĚHAL᷊Ẹ̌

APA NIUL᷊Ị U BINOHẸ SUSI: Su tempong nẹ̌kawing, i kau dingangu kawingu ”nasěmbaụ.” (Matius 19:5) Katewe, i kamene bědang duang katau nẹ̌tatěntang sipatẹ̌ dingangu tiněna. Hakị u ene, i rua harusẹ̌ pěngěndung kerea tadeạu sěngkapěndang dingangu sěngkapẹ̌tiněna. (Filipi 2:2) Ini penting su tempong měkoạ putusang. Binohẹ Susi naul᷊ị: ”Karakị e mạdiadi ual᷊ingu pẹ̌tahatimbang.” (Baweran Salomo 20:18) Su tempong měkoạ putusang, pakẹ prinsip u Binohẹ Susi.Baweran Salomo 8:32, 33.

APA HARUSẸ̌ KOATENG:

  • Paul᷊ị lai pěndangu, bal᷊inẹ kětạeng mẹ̌bawěke

  • Su tempong měkoạ putusang pěbisara kal᷊imona dingangu kawingu

^ par. 4 Yehuwa ene areng u Mawu su Binohẹ Susi.