Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Sěntahanakengu Botonge Mal᷊unsemahẹ̌

 BAGEANG 4

Kerea Měngatorẹ̌ Doitẹ̌

Kerea Měngatorẹ̌ Doitẹ̌

”Karaki e mạriadi ual᷊ingu pẹ̌tatahatatimbang.”Baweran Salomo 20:18

I kitẹ kěbị perlu roitẹ̌ gunang měhiking keluarga. (Baweran Salomo 30:8) Maning kere apa, ”’roitẹ̌ gaghělị’, arau roitẹ̌ kai makariagạ si kitẹ.” (Měnanasẹ̌ 7:12) Ěndịu sěngkawingang tawe gampang mẹ̌bisarang doitẹ̌, katewe abe sarang roitẹ̌ ene makoạ sungkal᷊e su pẹ̌kakawing. (Efesus 4:32) Sěngkawingang harusẹ̌ mangimang sěmbaụ su wal᷊inẹ, kụ sěngkasio měkoạ putusang kerea měpakẹ roitẹ̌.

 1 ATORẸ̌ PAKAPIA ROITẸ̌

APA NIUL᷊Ị U BINOHẸ SUSI: ”Kereu sěngkatau wọ’i kamene mapulu mělanging candi, ute i sie reng maiang měndekeng kal᷊amona ongkose mědeạu i sie masingkạ měnsang doitẹ̌ makarating bue sarang maghanapẹ̌ arau tala.” (Lukas 14:28) Bisaraiko dingangu kawingu kerea měpakẹ roitẹ̌. (Amos 3:3) Bisarai lai apa wěliang, kụ pira kal᷊awọu roitẹ̌ botonge paketang. (Baweran Salomo 31:16) Abe měměli apa kẹ̌kapuluang ual᷊ingu piạ doitẹ̌. Abe pěngutang. Pěmělịe kětạeng kal᷊awọu roitẹ̌ su limanu.Baweran Salomo 21:5; 22:7.

APA HARUSẸ̌ KOATENG:

  • Mạeng bědang piạ lěmbeng doitẹ̌, pẹ̌bisara dingangu kawingu, koateng pěkapura roitẹ̌ ene

  • Mạeng tawẹ apa lěmbene, saụ pẹ̌bisara kerea tadeạu mahematẹ̌. Contone ěndokangbe pědapuhang hala sul᷊ungu měměli kaěng su likude

 2 MASUẸ̌ SU AKAL᷊Ẹ̌ KỤ LAI PAKAJUJURẸ̌

APA NIUL᷊Ị U BINOHẸ SUSI: ”I kami mapulu měmunara matul᷊idẹ̌ bal᷊inewe kětạu su těngong Mawu, kaiso su těngong taumata lai.” (2 Korintus 8:21) Pakajujurẹ̌ su kawingu pira roitẹ̌ nikaěbạ dingangu pira nipakẹ.

Su tempong měkoạ putusang penting kerea měpakẹ doitẹ̌, harusẹ̌be pẹ̌bisara dingangu kawingu. (Baweran Salomo 13:10) Ndaị ene makatul᷊ung sěngkawingang tatapẹ̌ mararame. Tahěndunge lai, doitẹ̌ nikaěbạkengu bal᷊inẹ doitẹ̌ u hala, katewe ene kai doitẹ̌ u sěntahanakeng.1 Timotius 5:8.

APA HARUSẸ̌ KOATENG:

  • Pẹ̌bisara kal᷊imona pira kal᷊awọu roitẹ̌ botonge paketang hala gunang měměli barang

  • Abe pěngampal᷊ẹ̌ hědo piạ sungkal᷊ene buhudeng mẹ̌bisara kere apa měngatorẹ̌ doitẹ̌