Langsung ke konten

Langsung ke menu sekunder

Sahiding Yehuwa

Sangir

Isai měngẹ̌ngawasa dunia ini?

Isai měngẹ̌ngawasa dunia ini?

Su pěndangu, ndaị ene kai . . .

  • Mawu?

  • Taumata?

  • Setang?

 APA NIUỊU BINOHẸ SUSI

3”Kaguwạ u dunia ini su ral᷊ungu kawasang Setang.”—1 Yohanes 5:19, Binohẹ Susi su Weran Sangihẹ̌ Měllo-měllo.

”Ahusu Mawu riměnta tadeạu měminasa munarang Setang.—1 Yohanes 3:8.

APA GUNANE SU ANẠU SĚMBAỤ

Makakasingkạ kawe nụe kasasusah nariadi su dunia ini.—Pělal᷊ahẹ 12:12.

I kitẹ mangimang dunia ini makoạ mapia.—1 Yohanes 2:17.

 KAWE NỤE I KITẸ BOTONGE MANGIMANG BINOHẸ SUSI?

Piạ 3 alasange:

  • Kawasang Setang sarung binasaěng u Mawu. Yehuwa nědiandi ”mapakawinasang kěbị kakakoạu Setang”. Kụ sau měkoạ kěbị apang seng nirusane.—Ibrani 2:14.

  • Mawu němile si Yesus tadeạu měngawasa dunia. Yesus něněntani bọu Setang ndaị matingkaị. Mawu nědiandi mạeng Yesus makoạ datu ”Isie matal᷊ěntụ su taumata kasiang (masusah). Isie lai měliwirẹ̌ bọu apang mětẹ̌tingkaị.”—Maczmurẹ̌ 72:13, 14.

  • Mawu tamẹ̌kakonti. Binohe Susi naul᷊ị, ”Mawu tamakakoạ mẹ̌konti.” (Ibrani 6:18) Mạeng Yehuwa nědiandi, ene sarung mariadi! (Yesaya 55:10, 11) ”Měngangawasa dunia ini sarung nipakawatang.Yohanes 12:31.

 GUNANG TINĚNANG

Su tempong Setang seng tawe měngěngawasạ, makoạ kereapa dunia ini?

Binohẹ Susi simimbahẹ̌ kakiwal᷊o ene su MAZMURẸ̌ 37:10, 11 dingangu PĚLAAHẸ 21:3, 4.