Langsung ke konten

Langsung ke menu sekunder

Sahiding Yehuwa

Sangir

Su pěndangu kereapa biahẹ̌ mahi?

Su pěndangu kereapa biahẹ̌ mahi?

Apa sarung . . .

  • kakạdal᷊akịe?

  • kẹ̌kapaele?

  • kětạeng kere ini turusẹ̌?

 APA NIUỊ U BINOHẸ SUSI

”Mawu měngěmụ ěllong mata wọu matan sire. Papate, kasasusah, sasangi arau kasasakị sarung tawẹ apa.”Pělal᷊ahẹ 21:3, 4, Binohẹ Susi su Weran Sangihẹ̌ Měllo-měllo.

APA GUNANE SU ANẠU SĚMBAỤ

Piạ hal᷊ẹ̌ makal᷊uasẹ̌ naung.Yesaya 65:21-23.

Tawẹ apa lai sakị dingangu kasasusah.—Yesaya 25:8; 33:24.

Biahẹ̌ su sěntahanakeng dingangu manga hapị mal᷊uasẹ̌ sarang karěngụe.—Mazmurẹ̌ 37:11, 29.

 KAWE NỤE I KITẸ BOTONGE MANGIMANG SU BINOHẸ SUSI?

Piạ 2 alasange:

  • Mawu botonge makariadi diandine ndaị ene. Su Binohẹ, kětạeng Yehuwa nisěbạ ”makawasa” batụu kawasane tawe ikạukurẹ̌. (Pělal᷊ahẹ 15:3) Kụ isiE mambeng měkoạ diandine mariadi. Binohẹ Susi naul᷊ị ”su Mawu tawẹ apa ku tamariadi.”—Matius 19:26.

  • Mawu mapulu-pulu měkoạ diandine. Isie ”mapulu-pulu” taumata nate saụ ipẹ̌biahẹ̌.—Ayub 14:14, 15.

Binohẹ Susi lai naul᷊ị Yesus někoạ taumata masakị, napia. Kawe nụe? Ual᷊ingu Isie kai mapulu. (Markus 1:40, 41) Mẹ̌sul᷊ungu Mawu, Yesus mapulu-pulu mẹ̌tul᷊ung sisire apang masigěsạ.—Yohanes 5:19.

Hakị u ene i kitẹ botonge mangimang si Yehuwa dingang I Yesus mapulu makasilo biahi kitẹ su ěllo mahi mal᷊uasẹ̌!—Mazmurẹ̌ 72:12-14; 145:16; 2 Petrus 3:9.

 GUNANG TINĚNANG

Kereapa Mawu saụ mẹ̌koạ dunia makoạ mapia?

Binohẹ Susi simimbahẹ̌ kakiwal᷊o ene su MATIUS 6:9, 10 dingangu DANIEL 2:44.