Langsung ke konten

Langsung ke menu sekunder

Sahiding Yehuwa

Sangir

Kai apa Kararatuang u Mawu?

Kai apa Kararatuang u Mawu?

Su anạu sěmbaụ, apa kai ene?

  • Su ral᷊ungu naung i kitẹ?

  • Kararatuang su sorga?

  • Barang Bal᷊inẹ?

 APA NIUỊ U BINOHẸ SUSI?

”Mawu su sorga sarung měmětị kararatuang sěmbaụ kụ sarung mẹ̌darage sarang marěngụ děngụ.”—Daniel 2:44, Binohẹ Susi Bal᷊o Mapia Su Weran Sangihẹ̌ Měllo-měllo.

”Sěngkatau rariọ seng nawantelẹ̌ baug’i kitẹ; kụ i kitẹ seng nighěllirangu sěngkatau ahusẹ̌. I Sie sarung makoạ těmbonang i kitẹ.”—Yesaya 9:5.

APA GUNANE SU ANẠU SĚMBAỤ

  • Makahombang pẹ̌darame ual᷊ingu kararatuang u Mawu mapia, kapěngimangeng, dingangu mạadilẹ̌.—Yesaya 48:17, 18.

  • Su dunia wuhu anạu sěmbaụ sarung tawe masakị dingangu makahombang karal᷊uasẹ̌.—Pělal᷊ahẹ 21:3, 4.

 KAWE NỤE I KITẸ BOTONGE MANGIMANG SU BINOHẸ SUSI?

Piạ 2 alasange:

  • Yesus seng něnodẹ u apang botonge nikoạ Kararatuang u Mawu. I Sie měněntiro manga murite pěmpẹ̌dọa tadeạu Kararatuang u Mawu mal᷊ighạ marěnta kụ mariadi su dunia. (Matius 6:9, 10) Yesus něgělị tatiala tadeạu daroa ene sarung kasimbaheng.

    Su dunia, Yesus něgělị kaěng su taumata nahutung, taumata masakị napia, taumata nate saụ nẹ̌biahẹ̌! (Matius 15:29-38; Yohanes 11:38-44) Su ěllo mahi, su tempong I Sie makoạ Datu Kararatuang u Mawu, limembong lawọ lai sarung koatenge.—Pělal᷊ahẹ 11:15.

  • Apang nariadi su dunia ini, nakoạ tatiala si kitẹ, Kararatuang u Mawu tạděngụe duměnta. Su tempong Kararatuang bědang tawe diměnta měgěli pẹ̌darame, Yesus naul᷊ị sarung piạ sekẹ, karal᷊unusẹ̌, linuhẹ̌ dingangu kasasakị.Matius 24:3, 7.

    Ndaị ene kẹ̌kasilong i kitẹ orasẹ̌ ini. Kụ i kitẹ masingkạ Kararatuang u Mawu sarung měngěnsue kěbị kasasusah ini.

 GUNANG TINĚNANG

Kerea biahu taumata su tempong Kararatuang mẹ̌parenta?

Binohẹ Susi simimbahẹ̌ kakiwal᷊o ene su MAZMURẸ̌ 37:29 dingangu YESAYA 65:21-23.