Langsung ke konten

Langsung ke menu sekunder

Sahiding Yehuwa

Sangir

Apa kakunsịe tadeạu sěntahanakeng mararame?

Apa kakunsịe tadeạu sěntahanakeng mararame?

Su anạu sěmbau, apa kai ene . . .

  • piạ hal᷊ẹ̌ mapia?

  • roitẹ̌?

  • barang bal᷊inẹ?

 APA NIUỊ U BINOHẸ SUSI?

”Liměmbong kariangkamang kụ apang mararingihẹ̌ hengetang u Mawu ringangu měkẹ̌koạ ene!”—Lukas 11:28, Binohẹ Susi su Weran Sangihẹ̌ Měllo-měllo.

APA GUNANE SU ANẠU SĚMBAỤ

Makaěbạ kawing matal᷊ěntụ.Efesus 5:28, 29.

Sěntahanakeng měmpẹ̌papangadatẹ̌.Efesus 5:33.

Sěntahanakeng tatapẹ̌ masěmbaụ.—Markus 10:6-9.

 KAWE NỤE I KITẸ BOTONGE MANGIMANG SU BINOHẸ SUSI?

Piạ 2 alasange:

  • Sěntahanakeng nidariading Mawu. Yehuwa něndiadi apang kěbị sěntahanakeng. Apa gunane si kitẹ?

    Kěnang pẹ̌tiněna: Mạeng anạu sěmbaụ kụ kaěng bahundakẹ̌, kụ mapulu makasingkạ dampane, Isai kiwal᷊oěng? Tantu tau němasakang.

    Kerene lai, tadeạu makasingkạ kereapa sěntahanakeng makoạ mapia tantu lai pakiwal᷊o si Yehuwa, ual᷊ingu Isie ”měndariadi keluarga”.Pěndariadi 2:18-24.

  • Mawu mapandung si kitẹ. Sěntahanakeng kapaelange abe kararihạ mědeạ těntiro bọu Yehuwa. Kawe nụe? ”Ual᷊ingu Mawu mapandung si kitẹ.” (1 Petrus 5:6, 7) Yehuwa mapulu biahi kitẹ sěntahanakeng makoạ mapia. Těntirone kapaěllange!—Bawerang Salomo 3:5, 6; Yesaya 48:17, 18.

 GUNANG TINĚNANG

Kereapa tadeạu sěngkawingang, matatimadẹ̌, manga anạ makoạ mapaelẹ̌?

Binohẹ Susi simimbahẹ̌ kakiwal᷊o ene su EFESUS 5:1, 2 dingangu KOLOSE 3:18-21.