Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Habarẹ̌ Mapia Bọu Mawu!

 PĚNGANGĚNDUNGANG 4

Yesus Kristus i Sai i Sie?

Yesus Kristus i Sai i Sie?

1. Kere apa pěbawiahi Yesus nitětạ?

Apa sipati Yesus sarang taumata mapulu mẹ̌dal᷊ahapị dingange?MATIUS 11:29; MARKUS 10:13-16.

Nětatěntang bọu taumata wal᷊inẹ, Yesus měbẹ̌biahẹ̌ su sorga mẹ̌sul᷊ungu malaekatẹ̌ su tempong i sie bědang tawe nalahirẹ̌ su dunia. (Yohanes 8:23) Yesus kaiakanenge bọu kěbị apang niria- ding Mawu, kụ i sie lai něsumbala měkoạ kěbị haghi.Kětạeng Yehuwa hala někoạ si Yesus, kụ i sie nisěbạ ”Ahus’i Amang mang sěmbaụ”. (Yohanes1:14) Mawu měbẹ̌bisara bọu i Yesus, hakị u ene i sie nisěbạ ”hengetang”.Basa Baweran Salomo 8:22, 23, 30; Kolose 1:15, 16.

2. Kawe nụe Yesus diměnta su dunia?

Mawu někoạ mukjizat, i Sie něngal᷊ing pěbawiahi Yesus bọu sorga sarang dunia, kụ nalahirẹ̌ bọu i Maria. Hakị u ene papạ i Yesus balinẹbe taumata. (Lukas 1:30-35) Yesus diměnta su du- nia (1) gunang měněntiro kere apa Mawu, (2) tadeạu makoạ tatěnoěng kerea tumuhụ parentang Mawu, maning tawe gampang, (3) měgělị pěbawiahe tadeạu ”makoạ tatěbusẹ̌”.Basa Matius 20:28.

3. Kawe nụe tatěbusẹ̌ ene penting?

Tatěbusẹ̌ ene mangal᷊ene bawaehẹ̌ tadeạu taumata maliwirẹ̌ bọu papate. (Sasěbang 21:29, 30) Dongkeng humotong Mawu mạdiri i kitẹ maghurang arau mate. Bọu apa i kitẹ masingkạ? Mawu naul᷊ị su taumata humotong, i Adam, mạeng i sie mẹ̌koạ dosa i sie mate. Hakị u ene, manga i sie tawe nẹ̌dosa i sie bědang biahẹ̌ sarang orasẹ̌ ini. (Pěndariadi 2: 16, 17; 5:5) Binohẹ Susi naul᷊ị, papate ”simuẹ̌” su dunia bọu sěngkatau i Adam, kụ i sie něnurusẹ̌ dosa ene su kěbị hitene, bawaehe ute papate.  Ual᷊ingu i kitẹ kai hiteng i Adam, i kitẹ harusẹ̌ i těbusẹ̌ tadeạu maliwirẹ̌ bọu papate.Basa Roma 5:12; 6:23.

I sai botonge makawaehẹ̌ tatěbusẹ̌ ene? Su tempong mate, i kitẹ kětạeng makawaehẹ̌ dosang batangeng hala. Tawẹ apa taumata marosa botonge makawaehẹ̌ tatěbusẹ̌ gunang taumata wal᷊inẹ.Basa Mazmurẹ̌ 49:7-9.

4. Kawe nụe Yesus mate?

Bal᷊inẹ kere i kitẹ, Yesus tawẹ dosane. I sie lai tawe měkẹ̌koạ dosa hakị u ene i sie tawe harusẹ̌ mate. Katewe i sie nate gunang tau wal᷊inẹ. Ual᷊ingu kakěndagu Mawu nahumpal᷊iu su taumata, Mawu něgělị anạ’E tadeạu mate gunang i kitẹ. Yesus lai něnodẹ kakěndage, i sie timuhụ parentang i Amange, kụ něgělị pẹ̌bawiahe gunang měněbusẹ̌ dosang i kitẹ.Basa Yohanes 3:16; Roma 5:18, 19.

5. Apa kẹ̌koateng i Yesus orasẹ̌ ini?

Su tempong i sie su dunia, Yesus napakapiang taumata masakị, taumata nate nipẹ̌biahẹ̌, i sie lai mětẹ̌tul᷊ung taumata masusah. Ndaị ini něnodẹ apa sarung koạtenge mahi, su kěbị apang taumata matuhụ. (Matius 15:30, 31; Yohanes 5:28) Su tempong Yesus nate, Mawu saụ napapẹ̌biahẹ̌ si sie, kụ nipětanạ su sorga. (1 Petrus 3:18) Yesus kimaiang su sěmběka koaneng u Mawu, měngẹ̌ngampal᷊ẹ̌ Yehuwa měgělị kawasa gunang makoạ Datu mẹ̌parenta dunia. (Ibrani 10:12, 13) Orasẹ̌ ini Yesus seng měpẹ̌parenta bọu sorga, kụ manga murite měbẹ̌bawa habarẹ̌ mapia ini su patikụ dunia.Basa Daniel 7:13, 14; Matius 24:14.

Seng mal᷊ighạ Yesus sarung mẹ̌pakẹ kawasane gunang měminasa kasasigěsạ dingangu kěbị apang nakasusah si kitẹ. Kěbị apang mạngimang si Yesus kụ tụtuhụ si sie sarung měbiahẹ̌ mal᷊unsemahẹ̌ su firdaus, su dunia.Basa Mazmurẹ̌ 37:9-11.