Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Habarẹ̌ Mapia Bọu Mawu!

 PĚNGANGĚNDUNGANG 14

Kawe Nụe Mawu piạ Organisasine?

Kawe Nụe Mawu piạ Organisasine?

1. Kawe nụe Mawu němile tau Israel tempong kangerẹ tadeạu makoạ umatE?

Mawu něngatorẹ̌ tau Israel tadeạu i sire makoạ sěmbaụ bangsa kụ něgělị si sire hukung. I Sie něsěbạ si sire bangsa Israel, kụ něpakẹ si sire tadeạu pěngangibadang su Mawu Yehuwa di-ngangu hengetangE tawe mailang. (Mazmurẹ̌ 147:19, 20) Bọu bangsa Israel kěbị taumata makaěbạ al᷊amatẹ̌.Basa Pěndariadi 22:18.

Mawu němile tau Israel makoạ sahidi-Ne. Dal᷊engu wiahu tau Israel tempong kangerẹ něnodẹ piạ al᷊amatẹ̌ mạeng tumuhụ hukung u Mawu. (Pangangonggọ u Toratẹ̌ Kapia 4:6) Bọu bangsa Israel lai, bangsa wal᷊inẹ makasingkạ sude Mawu kahěngang.Basa Yesaya 43:10, 12.

2. Kawe nụe tau Sahani nipile?

Ual᷊ingu tau Israel tawe satia su Mawu, i sire nighanti dingangu sidang Kristen. (Matius 21:43; 23:37, 38) Orasẹ̌ ini tau sahani tutune něngganti tau israel, kụ makoạ Sahiding Yehuwa.Basa Munara’m Manga Rarolohang 15:14, 17.

Yesus něngatorẹ̌ manga murite tadeạu i sire měnginjilẹ̌ dingangu měkoạ muritẹ̌, su patikụ u dunia. (Matius 10:7, 11; 24:14; 28:19, 20) Hal᷊ẹ̌ ini kal᷊awokange nikoạ orasẹ̌ ini. Ene kahumotongange Yehuwa něngomol᷊ẹ̌ kěbị taumata su patikụ u dunia gunang měněmbah si Sie. (Pělal᷊ahẹ 7:9, 10) Tau Sahani tutune niatorẹ̌ gunang mẹ̌tul᷊ung dingangu makatoghasẹ̌ anạu sěmbaụ i sire. Su patikụ u dunia kěbị apang niěndungang su pěngangibadang i sire mẹ̌sul᷊ung.Basa Ibrani 10:24, 25.

 3. Kere apa tětạu organisasi Sahiding Yehuwa orasẹ̌ ini?

Něnětạ taung 1870 pirang katau nědeạ su Binohẹ Susi pirambaụ těntirong Mawu, kụ bědang tawe kinasingkạteng sarang tempo ene. I sire nakasingkạ i Yesus něngatorẹ̌ sidang Kristen gunang měnginjilẹ̌, kụ i sire něnětạ někoạ kampanye měhabarẹ̌ injil u Kararatuang su patikụ u dunia. Su taung 1931 i sire něpakẹ areng Sahiding Yehuwa.Basa Munara’m Manga Rarolohang 1:8; 2:1, 4; 5:42.

4. Kere apa Sahiding Yehuwa niatorẹ̌ orasẹ̌ ini?

Su abad kahumotongange, Badan pimpinan mangimang Yesus Těmbonangu sidang, kụ i sire měngẹ̌ngatorẹ̌ sidang kristen su patikụ u dunia. (Munara’m Manga Rarolohang 16:4, 5) Orasẹ̌ ini lai mẹ̌sul᷊ung, Badan Pimpinan měngẹ̌ngahạ Sahiding Yehuwa, i sire kai manga penatua mal᷊awọ pengalamane. I sire lai měngẹ̌-ngatorẹ̌ kantor-kantor cabang Sahiding Yehuwa su hal᷊ẹ̌ menerjemahkan, měkoạ dingangu měndingọ bukẹ̌ pěngangěndungang Binohẹ Susi, nal᷊iu bọu 600 bawera. Hakị u ene, Badan pimpinan nakasadia těntiro bọu Binohẹ Susi, tadeạu makatoghasẹ̌ panga-ngimang u anạu sěmbaụ, su nal᷊iu bọu 100.000 sidang su patikụ u dunia. Su kěbị sidang, piạ manga esẹ nakoạ penatua. I sire makěndagẹ̌ dingangu měpẹ̌padul᷊i anạu sěmbaụ i sire su ral᷊ungu sidang.Basa 1 Petrus 5:2, 3.

Sahiding Yehuwa niatorẹ̌ gunang měnginjilẹ̌ dingangu měkoạ muritẹ̌. Mẹ̌sul᷊ung manga murit i Yesus, i kitẹ lai měngẹ̌nginjilẹ̌ bọu wal᷊e sarang bal᷊e. (Munara’m Manga Rarolohang 20:20) I kitẹ lai mapulu mẹ̌tul᷊ung si sire apang mapulu měngěndung Binohẹ Susi. Katewe Sahiding Yehuwa bal᷊inẹ kětạeng sěmbaụ organisasi. I kitẹ mẹ̌sul᷊ungu anạu sěngkatau, kụ piạ papạ i kitẹ matal᷊ěntụ. I kitẹ lai měkẹ̌kakěndagẹ̌ sěmbaụ su wal᷊inẹ. (2 Tesalonika 1:3) Ělang i Yehuwa mapulu makal᷊uasẹ̌ naungE dingangu mẹ̌tul᷊ung taumata wal᷊inẹ. Hakị u ene, i sire nakoạ sěmbaụ keluarga, kụ i sire mal᷊al᷊uasẹ̌.Basa Mazmurẹ̌ 33:12; Munara’m Manga Rarolohang 20:35.