Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Habarẹ̌ Mapia Bọu Mawu!

 PĚNGANGĚNDUNGANG 12

Kere apa anạu sěmbaụ mědall᷊ahapị dingangu Mawu?

Kere apa anạu sěmbaụ mědall᷊ahapị dingangu Mawu?

1. Apa Mawu dụdaringihẹ̌ kěbị doa?

Mawu měgẹ̌gausẹ̌ kěbị taumata mědoa si Sie. (Mazmurẹ̌ 65:3) Katewe i Sie tawe měnarima arau dụdaringihẹ̌ kěbị doa. Contone, mạeng esẹ dal᷊akị měkoạ kawinge, Mawu mạdiri dumaringihẹ̌ doane. (1 Petrus 3:7) Bọu ene lai, su tempo tau Israel někoạ barang dal᷊akị, Mawu tawe dụdaringihẹ̌ doang i sire. Hakị u ene, doa kai sěmbaụ hal᷊ẹ̌ mạarěga. Katewe mạeng sěngkatau marosa kụ mẹ̌tobatẹ̌, Mawu mapulu dumarigihẹ̌ doane.Basa Yesaya 1:15; 55:7.

2. Kerea i kitẹ harusẹ̌ mědoa?

Doa kai sěmbaụ bageang bọu ibadang i kitẹ, hakị u ene i kitẹ kětạeng mědoa su Mawu Yehuwa. (Matius 4:10; 6:9) Bọu ene ual᷊ingu i kitẹ marosa, su tempong mědoa harusẹ̌ mẹ̌pake areng i Yesus, ual᷊ingu i sie nate gunang měněbusẹ̌ dosang i Kite. (Yohanes 14:6) Yehuwa madiri mạeng doang i kitẹ nihapalẹ̌ arau niwohẹ. I Sie mapulu i kitẹ mědoa bọu dal᷊ungu naung.Basa Matius 6:7; Filipi 4:6, 7.

Mawu makaringihẹ̌ maning i kitẹ mědoa su ral᷊ungu naung. (1 Samuel 1:12, 13) I Sie měgẹ̌gausẹ̌ si kitẹ mědoa su apang tempo, contone, su tempong buhudeng nẹ̌ba-ngung mal᷊ukadẹ̌, arau mětikị hěbi, su tempong kumaěng, arau su tempong tumatěngo sigěsạ.Basa Mazmurẹ̌ 55:22; Matius 15:36.

3. Kawe nụe tau Sahani harusẹ̌ mẹ̌komol᷊ẹ̌ gunang měngibadah?

Makoạ hapị u Mawu tawe gampang, ual᷊ingu i kitẹ měběbiahẹ̌ su taloarang taumata kurang mangimang su Mawu dingangu mělẹ̌heghesẹ̌ dianding Mawu, měkoạ pẹ̌darame su dunia. (2 Timotius 3:1, 4; 2 Petrus 3:3, 13) Hakị u ene, i kitẹ kěbị harusẹ̌ mẹ̌tatul᷊ung sěmbaụ su wal᷊inẹ.Basa Ibrani 10:24, 25.

 Mạeng i kitẹ mědal᷊ahapị dingangu taumata kụkěndagu Mawu, i kitẹ lai sarung mědal᷊ahapị mapia dingangu Mawu. Su pěngangibadang Sahiding Yehuwa, pangangimang i kitẹ makoạ matoghasẹ̌ ual᷊ingu makasilo pangangimangu tau wal᷊inẹ.Basa Roma 1:11, 12.

4. Kerea i kitẹ makoạ hapị u Mawu?

I kitẹ makoạ hapị u Mawu mạeng mẹ̌tiněna apang seng niěndungang bọu hengetangE. Tiněna pakapia kakanoạ’E, těntiro-Ne, dingangu diandi-Ne. Mạeng i kitẹ mětiněna dingangụ mědoa, i kitẹ měngẹ̌ngarěga pelesa dingangu kakěndagu Mawu.Basa Yosua 1:8; Mazmurẹ̌ 1:1-3.

Anạu sěmbaụ sarung mědal᷊ahapị dingangu Mawu mạeng anạu sěmbaụ mangimang si Sie. Katewe mẹ̌sul᷊ungu sasuang harusẹ̌ sěbohang tadeạu tumuwo, pangangimang i kitẹ lai harusẹ̌ i pakatoghasẹ̌, carane pakasau mětiněna apa seng niěndungang i kitẹ.Basa Matius 4:4; Ibrani 11:1, 6.

5. Apa al᷊amate mạeng i kitẹ makoạ hapị u Mawu?

Yehuwa matal᷊ěntụ si sire apang makěndagẹ̌ si Sie. Mawu makariagạ si sire bọu kěbị apang makasilakạ pangangimang di-ngangu pělaharapẹ̌ gunang měbiahẹ̌ kakalẹ̌. (Mazmurẹ̌ 91:1, 2, 7-10) I Sie něgělị ingate tadeạu i kitẹ mětěngkarau bọu kěbị apang makarusa kasasehatu wadang dingangu pěbawiahi kitẹ. (Mazmurẹ̌ 91:1, 2, 7-10) Yehuwa něněntiro si kitẹ dal᷊engu wiahẹ̌ kapaelange.Basa Mazmurẹ̌ 73:27, 28; Yakobus 4:4, 8.