Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Habarẹ̌ Mapia Bọu Mawu!

 PĚNGANGĚNDUNGANG 9

Kerea Tadeạu Pẹ̌sěntahanakeng Mall᷊unsemahẹ̌?

Kerea Tadeạu Pẹ̌sěntahanakeng Mall᷊unsemahẹ̌?

1. Tadeạu sěntahanakeng mal᷊unsemahẹ̌, kawe nụe pẹ̌kakawing ene penting?

Piạ habarẹ̌ mapia bọu Yehuwa, i Sie mapulu pẹ̌sěntahanakeng ene mararame. (1 Timotius 1:11) I Sie někoạ pẹ̌kakawing kahumotongange. Tadeạu mangarariọ mal᷊unsemahẹ̌ pẹ̌kakawing ene harusẹ̌ sah, hakị u ene harusẹ̌ bohekang su kantorẹ̌ catatan sipil.Basa Lukas 2:1, 4, 5.

Kerea Yehuwa měmanda pẹ̌kakawing? I Sie mapulu sěngkawingang abe pẹ̌tatěntang sarang i sire mate, Yehuwa mapulu esẹ dingangu wawine, masatia su kawing i sire. (Ibrani 13:4) I Sie mawěnsing taumata mẹ̌cere. (Maleakhi 2:16) Katewe, tau sahani botonge mẹ̌cere kụ saụ mẹ̌kawing kětạeng, mạeng kawinge nědeạ dokạ bal᷊inẹ.Basa Matius 19:3-6, 9.

2. Kerea esẹ̌ dingangu wawine harusẹ̌ měkoạ kawinge?

Yehuwa něndiadi esẹ dingangu wawine tadeạu mẹ̌tatul᷊ung sěmbaụ dingangu wal᷊inẹ. (Pěndariadi 2:18) Esẹ kai těmbonangu keluarga, i sie harusẹ̌ měhiking kawinge dingangu anạe, kụ lai měněntiro parentang Mawu si sire. I sie lai harusẹ̌ kuměndagẹ̌ su kawinge limembong bọu watangenge hala. Pẹ̌sěngkawingang harusẹ̌ měkakěndagẹ̌ dingangu mạadatẹ̌ sěmbaụ su wal᷊inẹ. Tadeạu pẹ̌kakawing tatapẹ̌ mal᷊unsemahẹ̌, kakunsịe harusẹ̌ mẹ̌papangampung.Basa Efesus 4:31, 32; 5:22-25, 33; 1 Petrus3:7.

3. Mạeng piạ kasasigěsạ su ral᷊ung pẹ̌kakawing apa botonge mẹ̌tal᷊ei?

Mạeng piạ sigěsa nariadi su ral᷊ungu pẹ̌sěngkawingang i rẹ̌dua harusẹ̌ tatapẹ̌be pẹ̌kakěndagẹ̌ sěmbaụ su wal᷊inẹ. (1 Korintus 13:4, 5) Binohẹ Susi tawe něngoro sěngkawingang pẹ̌tatěntang, mạeng piạ kasasigěsạ nariadi su ral᷊ungu pẹ̌kakawing.Basa 1 Korintus 7:10-13.

 4. Mangarariọ, apa kapulung Mawu si kamene?

Yehuwa mapulu i kamene měbiahẹ̌ mal᷊uasẹ̌. I Sie něněntiro kerea carane mẹ̌pakẹ pěbawiahẹ̌ pakapaelẹ̌. I Sie mapulu i kamene matuhụ su matimadẹ̌, ual᷊ingu i sire kai něbiahẹ̌ limembong marěngụ boụ i kamene. (Kolose 3:20) Yehuwa lai mapulu i kamene mal᷊uasẹ̌ měkoa barang nakal᷊uasẹ̌ naungE.Basa Měnanasẹ̌ 11:9–12:1; Matius 19:13-15; 21:15, 16.

5. Matatimadẹ̌, kai apa koateng i kamene tadeạu mangarariọ mal᷊uasẹ̌?

I kamene harusẹ̌ měhal᷊ẹ̌, gunang měnadia kaěng, pakeang, dingangu pẹ̌tatanakeng. (1 Timotius 5:8) Tadeạu mangarariọ mal᷊unsemahẹ̌ su pěbawiahi sire, matatimadẹ̌ harusẹ̌ měněntiro kerea kuměndagẹ̌ su Mawu dingangu měkoạ kapulu-Ne. (Efesus 6:4) Su tempong matatimadẹ̌ měnodẹ kakěndagẹ̌ su Mawu, mangarariọ mẹ̌těno si sire. Mạeng i kamene mapulu mangarariọ makoạ mapia, těntiroi i sire hengetang u Mawu.Basa Pangangonggọ u Toratẹ̌ Kapia 6:4-7; Baweran Salomo 22:6.

Matatimadẹ̌ harusẹ̌ mědalo su tempong anạe měkoạ barang mapiạ. Katewe, matatimadẹ̌ lai harusẹ̌ měngatorẹ̌ su tempong i sire někoạ barang nẹ̌sal᷊a. Těntiro kerene, makariagạ si sire tadeạu tawe měkoạ barang dal᷊akị. (Baweran Salomo 22:15) Su tempong měngatorẹ̌ si sire, abe kasarẹ̌ arau měmahang.Basa Kolose 3:21.

Sahiding Yehuwa seng někoạ pirambaụ bukẹ̌ gunang mẹ̌tul᷊ung matatimadẹ̌ dingangu mangarariọ. Bukẹ̌ tamai ene, dasare bọu Binohẹ Susi.Basa Mazmurẹ̌ 19:7, 11.