Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Habarẹ̌ Mapia Bọu Mawu!

 PĚNGANGĚNDUNGANG 8

Kawe nụe Mawu Němala Karall᷊akisẹ̌ dingangu Kasasusah Mariadi?

Kawe nụe Mawu Němala Karall᷊akisẹ̌ dingangu Kasasusah Mariadi?

1. Kerea karal᷊akisẹ̌ něnětạ nariadi?

Mawu němala taumata nẹ̌parenta tadeạu kasingkateng pěměrentang sire tawe makailang kasasigěsạ sarang orasẹ̌ ini

Karal᷊akisẹ̌ něnětạ nariadi su dunia, su tempong setang nẹ̌konti. Humotong, setang ini kai sěmbaụ malaekatẹ̌ mapia, katewe i sie nakoạ tawe satia, kụ ”tawe manumběka katěngadẹ̌.” (Yohanes 8:44) I sie mapulu kěbị maněmbah si sie bal᷊inẹ su Mawu. Setang nẹ̌konti su wawine humotong, i Hawa, tadeạu tumol᷊e kapulune bal᷊inẹ kapulung Mawu. I Adam timol᷊e si Hawa, tawe timuhụ su Mawu. Apang nikoạ i Adam ini nakakoạ kasasusah dingangu papate.Basa Pěndariadi 3:1-6, 19.

Su tempong setang něngologẹ̌ si Hawa tadeạu tawe tumuhụ su Mawu, i sie něnětạ limawang hakẹ̌ u Mawu mẹ̌parenta. Kal᷊awọkange taumata mạdiri Mawu mẹ̌parenta si sire. Hakị u ene, setang nakoạ ”měngangawasa dunia ini.”Basa Yohanes 14:30; 1 Yohanes 5:19.

2. Apa kěbị nikoạ u Mawu piạ kurange?

Kěbị apang nikoạ u Mawu tawẹ kurange. Taumata dingangu malaekatẹ̌ nikoạ tadeạu i sire botonge tumuhụ kěbị parentang Mawu. (Pangangonggọ u Toratẹ̌ Kapia 32:4, 5) Mawu něgělị si sire hakẹ̌ měmile, měkoạ barang dal᷊akị arau barang mapia. Hakị u ene, i sire měnodẹ kakěndagẹ̌ su Mawu, mạeng mẹ̌pakẹ hakẹ̌ ene pakapia.Basa Yakobus 1:13-15; 1 Yohanes 5:3.

3. Kawe nụe Mawu němala kasasusah nariadi sarang orasẹ̌ ini?

Diọ marěngụ, Mawu němala apang lụlawang hakẹ̌’E mẹ̌parenta. Kawe nụe? Gunang měnodẹ, mạeng bal᷊inẹ Yehuwa mẹ̌parenta, taumata tawe makakoạ apa-apa. (Měnanasẹ̌ 7:29; 8:9) Seng 6.000 su taunge taumata měbẹ̌biahẹ̌ su dunia, nal᷊ahẹ i sire tawe nakakoạ apa-apa. Pěměrentang taumata tawe maka-  ilang sekẹ, karal᷊akisẹ̌, kasasakị arau kěbị apang tawẹ adile su dunia ini.Basa Yeremia 10:23; Roma 9:17.

Nẹ̌tatěntang bọu taumata, mạeng Mawu mẹ̌parenta, ene makaral᷊unsemahẹ̌ si sire apang matuhụ. (Yesaya 48:17, 18) Seng mal᷊ighạ, Yehuwa sarung měminasa pěměrentang taumata, kětạeng i sai měmẹ̌mile pěměrentang Mawu botonge mẹ̌biahẹ̌ su dunia.Yesaya 11:9.Basa Daniel 2:44.

4. Ual᷊ingu Mawu masabarẹ̌, apa botonge koateng i kitẹ?

Setang naul᷊ị tawẹ apa sěngkatau masatia si Yehuwa bọu dal᷊ungu naunge. Apa anạu sěmbaụ mapulu měnodẹ ndaị ene kai konti? Anạu sěmbaụ botonge! Ual᷊ingu Mawu masabarẹ̌, i kitẹ botonge měmile mapulu Mawu mẹ̌parenta arau taumata mẹ̌pa-renta. Apang nipileng kitẹ nal᷊ahẹ bọu pěbawiahi kitẹ.Basa Ayub 1:8-12; Baweran Salomo 27:11.

5. Kerea i kitẹ měmile Mawu makoạ Měngangawasa si kitẹ?

Bọu apang nipileng kitẹ, ene něnodẹ i kitẹ mapulu Mawu měngawasa si kitẹ

I kitẹ měmile Mawu makoạ měnga- ngawasa si kitẹ, mạeng i kitẹ mědeạ dingangu měkoạ ibadah nẹ̌tatahino tumuhụ Binohẹ Susi. (Yohanes 4:23) I kitẹ mạdiri setang mẹ̌parenta si kitẹ, ene kẹ̌kasilo, mạeng i kitẹ tawe tumol᷊e politik dingangu sekẹ, mẹ̌sul᷊ung i Yesus.Basa Yohanes 17:14.

Setang nẹ̌pakẹ kawasane měnẹ̌nahowong taumata měkoạ barang amoral, barang makasilakạ si kitẹ. Contone, mětikị dingangu bal᷊inẹ kawingu watangeng, esẹ mapulu esẹ, wawine mapulu wawine, kawing nal᷊iu bọu sěmbaụ, kěbị ene barang nẹ̌sal᷊a. Mạeng i kitẹ tawe měkoạ barang tamai ene, piạ u mělẹ̌heghesẹ̌ arau mẹ̌pědu si kitẹ. (1 Petrus 4:3, 4) I kitẹ harusẹ̌ měmile. Apa i kitẹ tumol᷊e si sire apang kụkěndagu Mawu? Apa i kitẹ tumuhụ su těntiro dingangu hukungE? Mạeng měkoạ ene, i kitẹ měnodẹ setang ene kai kontiang, su tempong i sie naul᷊ị tawẹ apa taumata tatapẹ̌ satia su Mawu, mạeng piạ sigěsạ.Basa 1 Korintus 6:9, 10; 15:33.

Ual᷊ingu Mawu makěndagẹ̌ su taumata, karal᷊akisẹ̌ dingangu kasasusah sarung mailang. Apang něnodẹ pangangimange, sarung měbiahẹ̌ sarang karěngụe su dunia.Basa Yohanes 3:16.