Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Habarẹ̌ Mapia Bọu Mawu!

 PĚNGANGĚNDUNGANG 1

Habarẹ̌ Mapia Apa?

Habarẹ̌ Mapia Apa?

1. Habarẹ̌ mapia apa bọu Mawu?

Mawu mapulu taumata mẹ̌biahẹ̌ mal᷊uasẹ̌ su dunia. I Sie někoạ dunia ini dingangu kěbị dal᷊ohone ual᷊ingu i Sie makěndagẹ̌ su taumata. Seng mal᷊ighạ, i Sie sarung měgělị pěbawiahẹ̌ limembong mapia su ěllo mahi, su kěbị taumata. I Sie lai sarung měminasa kěbị apang seng nakasusah taumata.Basa Yeremia 29:11.

Tawẹ apa pěměrenta orasẹ̌ ini seng bọu nakailang karal᷊akisẹ̌, kasasakị, arau papate. Katewe piạ habarẹ̌ mapia. Tawe karěngụe, Mawu sarung měngganti pěměrentang taumata dingangu pěměrenta-Ne. Masyarakate sarung makapěndang pẹ̌darame dingangu kasasehatẹ̌.Basa Yesaya 25:8; 33:24; Daniel 2:44.

2. Kawe nụe habarẹ̌ mapia penting orasẹ̌ ini?

Su tempong Mawu měminasa taumata dal᷊akị, kasasusah sarung mailang (Zepanya 2:3) Kange ene sarung mariadi? Hengetang u Mawu nělahẹ apa nariadi orasẹ̌ ini sauneng nakasusah pěbawiahu taumata. Ndaị ini něnodẹ seng mal᷊ighạ tempone Mawu sarung měminasa taumata dal᷊akị.Basa 2 Timotius 3:1-5.

3. Apa harusẹ̌ koateng i kitẹ?

I kitẹ harusẹ̌ měngěndung kerea Mawu bọu hěngetangE. Binohẹ Susi mẹ̌sul᷊ungu sěmbaụ suratẹ̌ bọu i Papạ matal᷊ěntụ. Ini naul᷊ị si kitẹ kerea makapěndang pěbawiahẹ̌ mapia orasẹ̌ ini dingangu makaěbạ pěbawiahẹ̌ sarang karěngụe tempo mahi su dunia. Maning kerene, piạ pẹ̌sěngkatau mạdiri mạeng piạ u mẹ̌tul᷊ung anạu sěmbaụ měngěndung Binohẹ Susi. Katewe marugi mạeng tawe měngěndung.Basa Baweran Salomo 29:25; Pělal᷊ahẹ 14:6, 7.