Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Habarẹ̌ Mapia Bọu Mawu!

 PĚNGANGĚNDUNGANG 11

Apa Gunang Prinsip u Binohẹ Susi si Kitẹ?

Apa Gunang Prinsip u Binohẹ Susi si Kitẹ?

1. Kawe nue i kitẹ harusẹ̌ těntirong?

Kere apa prinsip u Binohẹ Susi měndiagạ si kitẹ tadeạu tawe masilaka?MAZMURẸ̌ 36:9.

Mawu něngělembong mapelesa bọu i kitẹ. Mẹ̌sul᷊ung i papạ matal᷊ěntu, i Sie mạpadul᷊i si kitẹ. Taumata tawe niriadi gunang měngul᷊ing dal᷊engu wiahe hala. (Yeremia 10:23) Kere matatimadẹ̌ měněntiro mangarario, Mawu lai měnẹ̌něntiro si kitẹ. (Yesaya 48:17, 18) Prinsip u Binohẹ Susi kai gaghělị bọu Mawu gunang měněntiro si kitẹ.Basa 2 Timotius 3:16.

Mạeng tumuhụ su hukung dingangu těntirong Yehuwa, biahi kitẹ makoạ mapia, kụ lai makaěbạ al᷊amatẹ̌ su ěllo mahi. Ual᷊ingu Mawu něndiadi si kitẹ, i kitẹ harusẹ̌ tumuhụ su těntiro-Ne.Basa Mazmurẹ̌ 19:7, 11; Pělal᷊ahẹ̌ 4:11.

2. Apa mangal᷊ene prinsip u Binohẹ Susi ene?

Prinsip u Binohẹ Susi mangal᷊ene dasar u kebenaran. Mạeng hukung pěpaketang kětạeng pěsěngkatempo. (Pangangonggọ u Toratẹ̌ Kapia 22:8) I kitẹ harusẹ̌ mẹ̌tiněna kal᷊imona su tempong měpakẹ prinsip su pẹ̌bawiahi kitẹ. (Baweran Salomo 2:10-12) Contone, Binohẹ Susi naul᷊ị pěbawiahẹ̌ ene gaghělị bọu Mawu. Prinsip ene makariagạ si kitẹ su tampa pělaharẹ̌kang, su wal᷊e, arau su daral᷊engang. Prinsip ene měndiagạ si kiṭe tadeạu tawe masilaka.Basa Munara’m Manga Rarolohang 17:28.

3. Darua prinsip sude penting?

Yesus naul᷊ị pia darua prinsip penting. Kahumotongange nělahẹ apa timonang pěbawiahu taumata, ene kai makasingkạ i sai Mawu, kerea kuměndagẹ̌, kụ lai masatia si Sie. Prinsip humotong ene botonge paketang su tempong i kitẹ měkoạ putusang. (Baweran Salomo 3:6) Apang taumata tumuhụ su prinsip ene sarung mẹ̌dal᷊ahapị dingangu Mawu,  naung mal᷊uase, kụ lai makaěba pěbawiahẹ̌ kěkalẹ̌ su ěllo mahi.Basa Pangangonggọ u Toratẹ̌ Kapia 11:1.

Prinsip karuane něněntiro si kitẹ tadeạu mẹ̌dal᷊ahapị mapia dingangu taumata wal᷊inẹ. (1 Korintus 13:4-7) Kerea carane i kitẹ měkoạ taumata wal᷊inẹ, harusẹ̌ mẹ̌těno kakakoạ u Mawu su taumata.Basa Matius 7:12; 22:39, 40.

4. Apa gunane prinsip u Binohẹ Susi si kitẹ?

Prinsip bọu Binohẹ Susi něněntiro sěntahanakeng kere apa mẹ̌kakěndagẹ̌ sěmbaụ su wal᷊inẹ. (Kolose 3:12-14) Hengetangu Mawu lai měndiagạ sěntahanakeng, měněntiro si sire prinsip wal᷊inẹ—Pẹ̌kakawing ene harusẹ̌ sarang karěngụe.Basa Pěndariadi 2:24.

Mạeng tumol᷊e prinsip su Binohẹ Susi pěbawiahi kitẹ sarung mal᷊unsemahẹ̌. Contone, su tampa pěhal᷊ekang, bosẹ̌ mapulu i kitẹ jujurẹ̌ dingangu marading. (Baweran Salomo 10:4, 26; Ibrani 13:18) Binohẹ Susi něněntiro si kitẹ, pẹ̌dal᷊ahapị dingangu Mawu harusẹ̌ su tampạ kahumotongange bọu arětạ arau barang bal᷊inẹ.Basa Matius 6:24, 25, 33; 1 Timotius 6:8-10.

Měpakẹ prinsip u Binohẹ Susi lai makariagạ kasasehatẹ̌ i kitẹ. (Baweran Salomo 14:30; 22:24, 25) Mạeng tumuhụ parentang Mawu abe pẹ̌bukang, ene makariagạ si kitẹ tadeạu tawe makasilaka arau makaěbạ sakị makapate. (Baweran Salomo 23:20) Yehuwa tawe nẹ̌sěding si kitẹ měnginung alkohol asal᷊ẹ̌ mahal᷊i. (Mazmurẹ̌ 104:15; 1 Korintus 6:10) Prinsip bọu Mawu bal᷊inẹ kětạeng měndiagạ kakanoạ i kitẹ, katewe lai měndiagạ tiněnang kitẹ. (Mazmurẹ̌ 119:97-100) Tau sahani tutune měngẹ̌ngarěga prinsip bọu Binohẹ Susi bal᷊inẹ kětạeng gunang watangeng hala. I sire měkoạ ene gunang měmantugẹ̌ areng i Yehuwa.Basa Matius 5:14-16.