Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Habarẹ̌ Mapia Bọu Mawu!

 PĚNGANGĚNDUNGANG 7

Apa Kararatuang U Mawu ene?

Apa Kararatuang U Mawu ene?

1. Apa Kararatuang u Mawu ene?

Apa nakakoạ si Yesus Datu kapaelange?MARKUS 1:40-42.

Kararatuang u Mawu ene kai pěměrenta su sorga. Pěměrentang taumata sarung gantiang dingangu Kararatuang u Mawu. Bọu ene, kapulung Mawu makoạ su sorga dingangu su dunia. Ini habarẹ̌ mapia. Kararatuang u Mawu sarung měkoạ kěbị taumata masěmbaụ su dunia.Basa Daniel 2:44; Matius 6:9, 10; 24:14.

Kararatuang ene piạ Datune. Yehuwa němile AhusE, Yesus Kristus, nakoạ Datu su KararatuangE.Basa Pělal᷊ahẹ 11:15.

2. Kawe nụe Yesus Datu kapaelange?

Yesus kapaelange makoạ Datu, ual᷊ingu i sie masanạ naunge dingangu masatia su barang nihino. (Yohanes 1:14) Si sie lai piạ kawasa mẹ̌tul᷊ung taumata, ual᷊ingu i sie mẹ̌parenta dunia bọu sorga. Su tempong Yesus saụ nipẹ̌biahẹ̌, i sie naawị su sorga kụ kimaiang su sěmběka koaneng i Yehuwa. (Ibrani 10:12, 13) Bọu ene, Mawu něgělị si sie kawasa guna mẹ̌parenta dunia.Basa Daniel 7:13, 14.

3. I sai sarung mẹ̌parenta dingangi Yesus?

Mahal᷊i taumata mẹ̌parenta dingangi Yesus su sorga. (Daniel 7:27) Kahumotongange nipile manga murit i Yesus masatia. Sarang tempo ini Yehuwa bědang měmẹ̌mile manga esẹ dingangu wawine masatia gunang mẹ̌parenta dingangi Yesus su sorga. I sire saụ nipẹ̌biahẹ̌, kụ nẹ̌tanạ dingangi Yesus su sorga.Basa Yohanes 14:1-3; 1 Korintus 15:42-44.

 Pirang katau sarung maawị sarang sorga? Yesus nẹ̌sěbạ i sire ene kai ”rekenange mahal᷊i.” (Lukas 12:32) Kal᷊awọe 144.000 su kataune. I sire sarung mẹ̌parenta dunia dingangi Yesus.Basa Pělal᷊ahẹ 14:1.

4. Apa sarung mariadi su tempong Yesus mẹ̌parenta?

Kararatuang u Mawu něnětạ nẹ̌parenta su taung 1914. * Su tempong Yesus nakoạ Datu, kahumotongange nikoạ e ute, něnděmẹ setang dingangu manga malaekatẹ̌ dal᷊akị bọu sorga sarang dunia. (Pělal᷊ahẹ 12:7-10, 12) Bọu ene, kasasigěsạ kakạl᷊awọe nariadi su dunia. Piạ sekẹ, karal᷊unusẹ̌, kasasakị dingangu linuhẹ̌ nariadi, kěbị ini nakoạ ”tatiala” tawe karěngụe Kararatuang u Mawu seng mẹ̌parenta dunia.Basa Lukas 21:7, 10, 11, 31.

5. Apa seng nikoạ u Kararatuang u Mawu?

Orasẹ̌ ini manga ělang u Mawu měngẹ̌nginjilẹ̌, bọu hal᷊ẹ̌ ndaị ene Kararatuang u Mawu něngomol᷊ẹ̌ taumata su patikụ dunia. Apang taumata masanạ naunge ini sarung makoạ rakyat i Yesus. I sire sarung diagateng su tempong Kararatuang u Mawu měminasa kěbị barang dal᷊akị su dunia ini. Hakị u ene, mạeng mapulu makaěbạ al᷊amatẹ̌, anạu sěmbaụ harusẹ̌ pěngěndung dingangu pakatuhụ si Yesus.Basa Pělal᷊ahẹ 7:9, 14, 16, 17.

Su ral᷊ungu 1.000 su taunge, Kararatuang saụ měkoạ kapulung Mawu mariadi su kěbị taumata. Dunia ini sarung makoạ firdaus. Su tempone, Yesus měnarakang Kararatuang ene si Amange. (1 Korintus 15:24-26) Si sai anạu sěmbaụ mapulu měhabarẹ̌ Kararatuang u Mawu?Basa Mazmurẹ̌ 37:10, 11, 29.

 

^ par. 6 Gunang makasingkạ těbal᷊ẹ̌ Binohẹ Susi nělahẹ taung 1914, pěmanda su bukẹ̌ Apa yang Sebenarnya Alkitab Ajarkan? halaman 215-218