Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Daringihẹ̌ko su Mawu Tadeạu Měbiahẹ̌ Sarang Karěngụe

 BAGEANG 5

Su Tempong Noahkẹ̌—Isai Dudaringihẹ̌? Isai Tala?

Su Tempong Noahkẹ̌—Isai Dudaringihẹ̌? Isai Tala?

Su tempong Noahkẹ̌ kal᷊awọkange taumata mẹ̌kẹ̌koạ barang dal᷊akị. Pěndariadi 6:5

I Adam dingang i Hawa, piạ manga anạ isire. Hakị u ene, kakal᷊awọ e taumata su dunia. Bọu ene lawọ lai malaekatẹ̌ timol᷊e setang limawang Mawu.

Isire simongo su dunia kụ nẹ̌bal᷊ui nẹ̌koạ taumata esẹ tadeạu maka pẹ̌kawing dingangu manga wawine. Kụ anạ isire matoghasẹ̌ dingangu makakasarẹ̌.

Dunia napenẹu taumata měkẹ̌koạ barang dal᷊akị. Binohẹ Susi naul᷊ị, ”Mawu nakasilo kai apa karal᷊akị taumata su dunia.”

 Noahkẹ̌ dimaringihẹ̌ Mawu, kụ nẹ̌koạ Bahtera. Pěndariadi 6:13, 14, 18, 19, 22

I Noahkẹ̌ taumata mapia. Yehuwa naul᷊ị si Noahkẹ̌, I siE sarung měminasạ apang taumata nẹ̌koạ barang dal᷊akị su lěba maihạ.

Mawu něngoro si Noahkẹ̌ pěkoạ kapal᷊ẹ̌ gěguwạ ndaị isẹ̌sěbạ Bahtera. Bọu ene pěbawa kawing dingangu manga anạe suẹ̌ su Kapal᷊ẹ̌, dingangu kal᷊awọu haghing binatang.

I Noahkẹ̌ něhabarẹ̌ su taumata lawọ piạ lěba maihạ sarung marěnta, katewe isire tawe mangimang. Piạ taumata liměge dingangu mạběnsing si sie.

Su tempong kapal᷊ẹ̌ ene nasueng koạ e, i Noahkẹ̌ nẹ̌bawa manga binatang niapasuẹ̌ sarang dal᷊unge.