Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Daringihẹ̌ko su Mawu Tadeạu Měbiahẹ̌ Sarang Karěngụe

 BAGEANG 4

Isire Dimaringihẹ̌ Setang—Apa Tětal᷊e?

Isire Dimaringihẹ̌ Setang—Apa Tětal᷊e?

Ual᷊ingu i Adam rẹ̌dua tawẹ timuhụ Mawu, i rẹ̌dua nate. Pěndariadi 3:6, 23

I Hawa dimaringihẹ̌ těmpu, kụ kimaěng buang kalu ene. Bọu ene I sie něgělị lěmbene si Adam, kụ i Adam kimaěng lai.

Apang nikoạ i rẹ̌dua ene nẹ̌sal᷊a, ndaị ene rosa. Kụ i rẹ̌dua niapa sěbang karạ i Yehuwa bọu Eden.

Pẹ̌bawiahi sire dingangu manga anạ isire nasusah. Kụ isire nagurang bọu ene nate. Su tempong nate, i rẹ̌dua seng tawẹ dịe.

 Taumata nate něbal᷊ị saụ nakoạ ěntana seng tawe singkạe apa-apa. Pěndariadi 3:19

I kitẹ nate ual᷊ingu asal᷊e bọu i Adam dingang i Hawa. Taumata nate tawẹ makasilo, makaringihẹ̌, arau mẹ̌koạ apa-apa.​—Měnanasẹ̌ 9:5, 10.

Yehuwa mạdiri taumata mate. Kụ mahi apang taumata nate saụ i pẹ̌biahẹ̌. Mạeng dumaringihẹ̌ su Mawu, isire sarung mẹ̌biahẹ̌ sarang karěngụe.