Langsung ke konten

Langsung ke menu sekunder

Langsung ke daftar isi

Sahiding Yehuwa

Sangir

Měhabarẹ̌—Gunang Pěngangěndungang  |  April 2017

Apa Sarung Mailang su Tempong Kararatuang u Mawu Duměnta?

Apa Sarung Mailang su Tempong Kararatuang u Mawu Duměnta?

”Dunia e ringangu patikụ dal᷊ohone ikẹ̌kaěnningu taumata seng kakạpaghohe. Kai taumata tụtuhụ kapulung Duata, tatapẹ̌ ipẹ̌bẹ̌biahẹ̌ sarang karěngụe.”1 YOHANES 2:17.

KAKANTARỊ: 134, 24

1, 2. (a) Dunia dal᷊akị ini dingangu tau nakaěbạ hukumang papatẹ̌ mẹ̌sul᷊ung su hal᷊ẹ̌ apa? (Pěmanda gambarẹ̌ humotong su pěngangěndungang ini.) (b) Kerea pěndangu dal᷊ohong sorga dingangu dunia su tempong dunia dal᷊akị ini niwinasa?

KĚNANG pẹ̌tiněna, piạ taumata matingkaị niahạ u petugas penjara, kụ petugas ene nẹ̌bera maihạ, ”Tau nate dụdal᷊eng!” Apa mangal᷊ene bawera ene? Maning tau ene bědang biahẹ̌ dingangu masehatẹ̌, katewe i sie seng nakaěbạ hukumang papate kụ kate měngampal᷊ẹ̌ tempone pateěng. Hakị u ene i sie mẹ̌sul᷊ungu seng nate. *—Pěmanda catatan kaki.

2 Dunia dal᷊akị orasẹ̌ ini mẹ̌sul᷊ungu tau nakaěbạ hukumang papate. Alkitapẹ̌ naul᷊ị, ”Dunia e . . . seng kakạpaghohe.” (1 Yoh. 2:17) Yehuwa seng němutusẹ̌, dunia dingangu dal᷊ohone seng mal᷊ighạ binasaěng. Ene mang  mariadi. Katewe, piạ pẹ̌tatěntange kawawinasang dunia ini dingangu hukumang papate su taumata matingkaị. Su tempong tau ene nakaěbạ hukumang papate, ěndịu piạ u madiri měnarimạ kụ mẹ̌pěndang putusang ene tawẹ adile. I sire mapulu putusang ene bal᷊uiang. Katewe i Yehuwa mělahukung masukụ, kụ putusang’E měminasa dunia ini sěbạewe maadilẹ̌. (Pang. 32:4) Hal᷊ẹ̌ ene mang mariadi. Su tempong dunia ini niwinasa, kěbị dal᷊ohong sorga dingangu dunia sarung měnarimạ putusang i Yehuwa ene nihino. Kěbị sarung mal᷊uasẹ̌!

3. Ěpạ hal᷊ẹ̌ apa sarung mailang su tempong Kararatuang u Mawu duměnta?

3 Bageang sude bọu ”dunia” sarung ’mapaghohẹ̌’? Ini kai barang dal᷊akị kẹ̌kahombangeng i kitẹ ěllo-ěllo. Kěbị ini sarung mapaghohẹ̌. Sěběnarẹ̌e ini ”habarẹ̌ mapiạ Kararatuang”. (Mat. 24:14, Terjemahan Dunia Baru [NW]) Pěngangěndungang ini mělahẹ ěpạ hal᷊ẹ̌ sarung mailang su tempong Kararatuang u Mawu duměnta. Ene kai taumata dal᷊akị, organisasi dal᷊akị, kakanoạ nẹ̌sal᷊a, dingangu kasasusah. Bọu ěpạ hal᷊ẹ̌ ini i kitẹ sarung měngěndung (1) apa tětal᷊e si kitẹ, (2) apa sarung koateng i Yehuwa, dingangu (3) apa nisadiang i Yehuwa gunang měngganti kěbị ene.

TAUMATA DAL᷊AKỊ

4. Apa tětal᷊u kakanoạ taumata dal᷊akị si kitẹ?

4 Apa tětal᷊u kakanoạ taumata dal᷊akị si kitẹ? Rasul Paulus naul᷊ị su ěllo pěngěnsuenge piạ, ”kasasusa lawọ”. Bọu ene i sie nẹ̌bera, ”Taumata ral᷊akisẹ̌ ringangu mal᷊aakal᷊ẹ̌ ute mangkeng kạpahuntinambang akal᷊e.” (2 Tim. 3:1-5, 13) Apa i kau seng nakahombang hal᷊ẹ̌ ini? I kitẹ ěndịu dẹ̌darihang arau lẹ̌hinakaneng ual᷊ingu bọu suku nẹ̌tatěntang. Piạ lai taumata seng tawe měmẹ̌muni barang dal᷊akị nikoạ i sire. Kẹ̌kasilong i sire mapulu mẹ̌tul᷊ung, katewe sěběnarẹ̌e i sire piạ timona dal᷊akị. Maning i kitẹ tawe nakahombang hal᷊ẹ̌ ene, i kitẹ mawěnsing makaringihẹ̌ piạ u měndariha manga rariọ, maghaghurang, arau taumata tawe makakoạ apa-apa. Kakanoạ u taumata dal᷊akị ini mẹ̌sul᷊ungu binatang arau lai manga hantu. (Yak. 3:15) Katewe, Hengetang u Mawu něgělị si kitẹ pělaharapẹ̌.

5. (a) Taumata dal᷊akị nighělịkangu tempo gunang měkoạ apa? (b) Apa mariadi su taumata madiri mẹ̌bal᷊ui?

5 Apa sarung koateng i Yehuwa? Orasẹ̌ ini Yehuwa něgělị tempo su taumata dal᷊akị gunang mẹ̌bal᷊ui. (Yes. 55:7) Dunia ini sarung mawinasa, katewe taumata su ral᷊unge bědang botonge mẹ̌bal᷊ui. Maning kerene, kerea mạeng piạ u madiri mẹ̌bal᷊ui, kụ bědang měkẹ̌koạ kapulung dunia su tempong sigěsạ masaria nariadi? Yehuwa nẹ̌diandi sarung měminasa kěbị taumata dal᷊akị. (Basa Mazmurẹ̌ 37:10.) Orasẹ̌ ini, lawọ měmẹ̌muni barang dal᷊akị nikoạ i sire, hakị u ene tawe nihukung. (Ayb. 21:7, 9) Katewe, Alkitapẹ̌ naul᷊ị, ”[Mawu] tụtitị pẹ̌bawiahu taumata, kụ kẹ̌kasilo-Ne kal᷊awọu ral᷊empange. Tawẹ apa kararěndung, kereapa wue kaěllị e, makạbuni apam baradosa.” (Ayb. 34:21, 22) Hakị u ene, i sire tawe makapěmuni bọu i Yehuwa. I Sie makasilo kěbị kakanoạ taumata  dal᷊akị. Masueng Harmagedon, maning i kitẹ mědeạ taumata dal᷊akị, i kitẹ tawe makaěbạ. I sire seng tawe dịe!Mzm. 37:12-15.

6. I sai tatapẹ̌ ene su tempong taumata dal᷊akị mawinasa, kụ kawe nụe ene makal᷊uasẹ̌ si kitẹ?

6 I sai tatapẹ̌ ene su tempong taumata dal᷊akị mawinasa? Yehuwa nẹ̌diandi, ”Taumata naunge masanạ sarung kapusakatengu ěntana ene.” Su Mazmurẹ̌ ene lai niul᷊ị, ”Taumata maimang [matul᷊idẹ̌, NW] sarung kapusakatengu ěntana ene, ringangu matanạ sarang marěngụ-děngụ.” (Mzm. 37:11, 29) I sai taumata ”naunge masanạ” dingangu ”matul᷊idẹ̌”? Taumata naunge masanạ ene kai tawe maobotẹ̌, mapulu měngěndung dingangu tumuhụ si Yehuwa. Taumata matul᷊idẹ̌ ene kai mapulu měkoạ barang nihinọ su těngong Mawu. Orasẹ̌ ini limembong mal᷊awọ taumata ral᷊akị sul᷊ungu taumata mapia. Katewe su dunia wuhu, kětạeng piạ taumata mapia, kụ i sire sarung měkoạ dunia ini firdaus!

ORGANISASI DAL᷊AKỊ

7. Apa tětal᷊u kakakoạ u organisasi dal᷊akị si kitẹ?

7 Apa tětal᷊u kakakoạ u organisasi dal᷊akị si kitẹ? Lawọ karal᷊akị nariadi, bal᷊inẹ kětạeng nikoạ u pẹ̌sěngkatau katewe nikoạ u haghing organisasi. Organisasi agama seng něngakal᷊ẹ̌ jutane taumata. Contone, i sire nẹ̌konti soal u Mawu, naul᷊ị Alkitapẹ̌ tawe kapěngimangeng, lai nẹ̌konti soal u pělaharapẹ̌ gunang dunia dingangu taumata. Pěměrenta ral᷊akị nakakoạ piạ pẹ̌sasekẹ, pẹ̌sasitori su manga suku, dingangu měndariha taumata masusah arau tawe makakoạ apa-apa. Pěměrenta kerene nakalạ ual᷊ingu něnarimạ sasorokẹ̌ dingangu měmẹ̌mile taumata. Perusahaan maakal᷊ẹ̌ seng nakarusa lingkungan. I sire něngakal᷊ẹ̌ taumata lawọ tadeạu mapakakalạ u pẹ̌sěngkatau. Nal᷊ahẹ kasasusah lai nariadi ual᷊ingu organisasi dal᷊akị.

8. Tumuhụ Alkitapẹ̌, apa sarung mariadi su kal᷊awọu organisasi kẹ̌kasilong matoghasẹ̌ orasẹ̌ ini?

8 Apa sarung koateng i Yehuwa? Sigěsạ masaria sarung měnětạ su tempong manga kawasang politikẹ̌ dumokạ kěbị agama palsu. Alkitapẹ̌ naul᷊ị organisasi ini kai tahapẹ̌sundal᷊ẹ̌ kụ nisěbạ Babelẹ̌ Gěguwạ. (Pěl. 17:1, 2, 16; 18:1-4) Organisasi agama ini sarung binasaěng. Bọu ene apa mariadi dingangu manga organisasi dal᷊akị bal᷊inẹ? Alkitapẹ̌ nẹ̌bera i sire mẹ̌sul᷊ungu wul᷊udẹ̌ dingangu manga pulo ual᷊ingu kẹ̌kasilong matoghasẹ̌. (Basa Pělal᷊ahẹ 6:14.) Katewe, Alkitapẹ̌ naul᷊ị kěbị pěměrenta dingangu organisasi kụ tawe tụtuhụ su Kararatuang u Mawu sarung binasaěng. Ene mariadi su pěngěnsuengu sigěsạ masaria. (Yer. 25:31-33) Bọu ene, seng tawẹ apa organisasi dal᷊akị!

9. Kawe nụe dunia wuhu sarung maatorẹ̌?

9 Manga organisasi dal᷊akị ini sarung gantiangu apa? Masueng Harmagedon, apa bědang piạ organisasi su dunia? Alkitapẹ̌ naul᷊ị, ”Arawe i kitẹ měngampal᷊ewe apang nikědong Mawu Ruata, kụkai langị buhu ringangu dunia wuhu, su apang sene piạ kal᷊aadilẹ̌.” (2 Ptr. 3:13) Langị dingangu dunia těbe mangal᷊ene pěměrentang  dunia dal᷊akị orasẹ̌ ini dingangu masyarakate. Su tempong i sire mawinasa, apa gaghantine? ”Langị buhu ringangu dunia wuhu.” Langị buhu mangal᷊ene pěměrenta wuhu, ene kai Kararatuang su limang Yesus dingangu 144.000 měngangawasa wal᷊inẹ. Dunia wuhu mangal᷊ene masyarakatẹ̌ u Kararatuang u Mawu. Yesus dingangu manga ringange sarung mẹ̌těno si Yehuwa, Mawu maatorẹ̌. (1 Kor. 14:33) Hakị u ene ”dunia wuhu” sarung maatorẹ̌. Piạ manga esẹ sarung pileng makoạ těmbonange. (Mzm. 45:17) I sire ini sarung ahakeng i Yesus dingangu 144.000. Kěnang pẹ̌tiněna su tempong organisasi dal᷊akị sarung gantiangu organisasi tawe měkẹ̌koạ barang dal᷊akị!

KAKANOẠ NẸ̌SAL᷊A

10. Kakanoạ nẹ̌sal᷊a apa mạdiadi su dunia, kụ apa tětal᷊e si kau dingangu keluarganu?

10 Apa tětal᷊u kakanoạ nẹ̌sal᷊a si kitẹ? Su dunia ini, pẹ̌sasundal᷊ẹ̌, měngakal᷊ẹ̌, dingangu měmate biasa kẹ̌koateng. Hiburan dunia ini nakakoạ hal᷊ẹ̌ ene kakělaěng mapaelẹ̌, kụ standar i Yehuwa soal u barang nihino dingangu nẹ̌sal᷊a lẹ̌heghesang. (Yes. 5:20) Matatimadẹ̌ harusẹ̌ měndiagạ manga anạ i sire bọu kakanoạ nẹ̌sal᷊a. Kerene lai tau Sahani harusẹ̌ měndiagạ pẹ̌dal᷊ahapị dingangi Yehuwa, ual᷊ingu i sire mětẹ̌tanạ su dunia tawe měngẹ̌ngarěga standar u Mawu.

11. Apa kaěndungang i kitẹ bọu kawawinasang Sodom dingangu Gomora?

11 Apa sarung koateng i Yehuwa su kakanoạ nẹ̌sal᷊a? Pẹ̌tiněna apa nikoạ i Yehuwa su Sodom dingangu Gomora. (Basa 2 Petrus 2:6-8.) Lot kai esẹ mapia. I sie dingangu keluargane nasigěsạ ual᷊ingu kakanoạ nẹ̌sal᷊a bọu taumata su soa ene. Yehuwa něminasa kěbị taumata dingangu kakanoạ nẹ̌sal᷊a su soa ene. Katewe, apa nikoạ’E ini ’makoạ tul᷊adạ’ su taumata dal᷊akị orasẹ̌ ini. Kere seng nikoạ i Yehuwa kangerẹ, kěbị kakanoạ nẹ̌sal᷊a orasẹ̌ ini sarung binasaěng.

12. I kau mapulu měkoạ apa su dunia wuhu?

12 Kakanoạ nẹ̌sal᷊a sarung gantiangu apa? Su dunia wuhu, i kitẹ sarung měkoạ lawọ hal᷊ẹ̌ makal᷊uasẹ̌ naung. Contone, i kitẹ měkoạ dunia ini firdaus dingangu měkoạ bal᷊e gunang i kitẹ lai taumata ikẹ̌kěndagẹ̌. I kitẹ lai maněnsomahẹ̌ taumata saụ nipěbiahẹ̌ bọu papate, kụ měněntiro si sire kerea i Yehuwa dingangu apa seng nikoạ’E gunang taumata. (Yes. 65:21, 22; MMR. 24:15) Su tempo ene, sarung piạ lawọ hal᷊ẹ̌ makal᷊uasẹ̌ naung i kitẹ kụ makawantugẹ̌ si Yehuwa!

KASASUSAH

13. Ual᷊ingu dal᷊awang su Eden, apa tětal᷊e si kitẹ?

13 Apa tětal᷊u kasasusah si kitẹ? Dunia napenẹu kasasusah ual᷊ingu piạ lawọ taumata dal᷊akị, organisasi dal᷊akị, dingangu kakanoạ nẹ̌sal᷊a. I kitẹ kěbị bọu nakapěndang kasasusah ual᷊ingu pẹ̌sasekẹ, sigěsạ u wiahẹ̌, prasangka ras, kasasakị, dingangu papate. Kěbị kasasusah ini něnětạ ual᷊ingu Setang, Adam, dingangi Hawa limawang si Yehuwa. Hakị u ene i kitẹ nakapěndang tětal᷊e.

14. Apa sarung koateng i Yehuwa su kěbị kasasusah?

14 Apa sarung koateng i Yehuwa  su kěbị kasasusah? Pẹ̌tiněnạe piram baụ contoh. Yehuwa nẹ̌diandi sarung měmunasẹ̌ kěbị pẹ̌sasekẹ. (Basa Mazmurẹ̌ 46:9, 10.) I Sie sarung mapakailangu kasasakị. (Yes. 33:24) I Sie sarung měminasa papate sarang karěngụe. (Yes. 25:8) I Sie sarung mapakailangu sigěsạ u wiahẹ̌. (Mzm. 72:12-16) Yehuwa sarung mapakailang kěbị kasasusang i kitẹ. I Sie lai sarung měngěmụ kěbị kakakoạ u Setang dingangu manga hantune!Ef. 2:2.

Kěnang pẹ̌tiněna dunia tawẹ apa pẹ̌sasekẹ, kasasakị, dingangu papate! (Pěmanda paragraf 15)

15. Masueng Harmagedon, apa sarung mailang?

15 Kěnang pẹ̌tiněna kerea mětanạ su dunia tawẹ apa pẹ̌sasekẹ, kasasakị, arau papate! Tawẹ apa tentara, lutang, arau tatialang pẹ̌sasekẹ. I kitẹ seng tawe mědeạ bal᷊eng undang, dokter, suster, tampạ u pělahampugang, arau pěndal᷊ěbingang. Ual᷊ingu tawẹ apa taumata dal᷊akị, i kitẹ seng tawe měpakẹ polisi arau alarm gunang měndiagạ, ěndịu lai kakunsị dingangu solotẹ̌! Kěbị apang makạgěnggang si kitẹ seng nailang.

16, 17. (a) Kerea pěndangu taumata apang masal᷊amatẹ̌ bọu Harmagedon? Lahẹko sasihinge. (b) Apa botonge koatengu tadeạu masal᷊amatẹ̌ su tempong dunia ini mawinasa?

16 Kerea pěbawiahi kitẹ su tempong tawẹ apa kasasusah? Tawe gampang mẹ̌tiněna hal᷊ẹ̌ ene. I kitẹ hanesẹ̌ tụtatěngo kasasusah, hakị u ene su pěndang i kitẹ ene wiasa. Kere taumata mětẹ̌tanạ su wiwihu dal᷊engu oto. I sire ěndịu seng nawiasa dingangu gahasengu oto. Arau, taumata mětẹ̌tanạ maraning pěndarěmẹkangu onasẹ̌, ěndịu seng nawiasang darurune. Katewe, su tempong Yehuwa napakailang kěbị kasasusah, tantu i kitẹ mal᷊uasẹ̌!

17 Kasasusah nariadi orasẹ̌ ini sarung gantiangu apa? Mazmurẹ̌ 37:11 naul᷊ị, i sire sarung ”makateěng pẹ̌bawiahẹ̌ masukụ [napenẹu pẹ̌darame, NW]”. I kitẹ mal᷊uasẹ̌ nakasingkạ Yehuwa mapulu měgělị ene si kitẹ! Hakị u ene su ěllo masigěsạ ini, koạe kěbị apang makarani si kitẹ dingangi Yehuwa lai organisasi-Ne. Pěbawiahẹ̌ su ěllo mahi ene maarěga. Hakị u ene, pẹ̌tiněna pělaharapẹ̌ ene, pakal᷊ahẹ su naungu, kụ běke su taumata wal᷊inẹ. (1 Tim. 4:15, 16; 1 Ptr. 3:15) Mạeng měkoạ ene, su tempong dunia ini mawinasa i kau mang masal᷊amatẹ̌ kụ měbiahẹ̌ mal᷊uasẹ̌ sarang karěngụe!

^ par. 1 Paragraf ini nělahẹ hal᷊ẹ̌ biasa kẹ̌koateng su penjara Amerika Serikat pul᷊one su taunge tamai.