Ona video zinazopatikana

Ona mambo yaliyo katika kila habari

Mashahidi wa Yehova

Kiswahili (Congo)

Ufalme wa Mungu Ni Nini?

Ufalme wa Mungu Ni Nini?

Unawaza ni . . .

  • hali ya moyo?

  • usemi wa mufano tu?

  • serikali ambayo iko mbinguni?

 ONA JIBU LA BIBLIA

“Mungu wa mbinguni atausimamisha ufalme ambao hautaharibiwa kamwe.”​—Danieli 2:44, Biblia Takatifu​—Tafsiri ya Ulimwengu Mpya.

“Kuna mwana ambaye tumepewa; na utawala [serikali] utakuwa juu ya bega lake.”​—Isaya 9:6.

UFALME HUO UTAKUFANYIA NINI?

  • Utaleta serikali ya haki ambayo itakufanyia mambo mengi mazuri.​—Isaya 48:17, 18.

  • Utakuwa na maisha yenye furaha na afya nzuri katika dunia mupya. ​—Ufunuo 21:3, 4.

 JE, TUNAWEZA KABISA KUAMINI YALE AMBAYO BIBLIA INASEMA?

Ndiyo, kuna sababu mbili ambazo zinatufanya tuamini yale ambayo Biblia inasema.

  • Yesu alionyesha mambo ambayo Ufalme wa Mungu utatimiza. Yesu aliwaambia wanafunzi wake waombe Ufalme wa Mungu ukuje na mapenzi ya Mungu yafanyike hapa duniani. (Mathayo 6:9, 10) Yesu alionyesha namna sala hiyo itajibiwa.

    Wakati Yesu alikuwa hapa duniani, alilisha watu wenye njaa, aliponyesha wagonjwa, na alifufua watu waliokufa! (Mathayo 15:29-38; Yohana 11:38-44) Kwa sababu Yesu atakuwa Mutawala wa Ufalme wa Mungu, alionyesha mbele ya wakati mambo mazuri ambayo Ufalme huo utafanyia watu ambao watatawaliwa na Ufalme huo.​—Ufunuo 11:15.

  • Leo, hali za dunia zinaonyesha kwamba Ufalme wa Mungu hauko tena mbali. Yesu alitabiri kwamba mbele ya Ufalme kuleta amani duniani, katika dunia kutakuwa mambo kama vile vita, njaa, na matetemeko ya inchi.​—Mathayo 24:3, 7.

    Leo, tunaona mambo hayo yote. Kwa hiyo, tunaweza kuwa na uhakika kwamba Ufalme wa Mungu uko karibu kuja kumaliza mateso hayo yote.

 PENGINE UNAJIULIZA

Maisha ya watu yatakuwa namna gani wakati Ufalme wa Mungu utaanza kutawala?

Biblia inajibu ulizo hilo katika andiko la ZABURI 37:29 na ISAYA 65:21-23.