Ona video zinazopatikana

Ona mambo yaliyo katika kila habari

Mashahidi wa Yehova

Kiswahili (Congo)

Kwa Kweli, Ni Nani Mwenye Kuitawala Dunia?

Kwa Kweli, Ni Nani Mwenye Kuitawala Dunia?

Unawaza ni . . .

  • Mungu?

  • wanadamu?

  • mutu mwengine?

 ONA JIBU LA BIBLIA

‘Ulimwengu wote unatawaliwa na yule muovu.’​—1 Yohana 5:19.

“Mwana wa Mungu alikuja . . . kuiharibu kazi ya Shetani.”​—1 Yohana 3:8, Biblia Habari Njema.

UTAPATA FAIDA GANI UKIJUA JAMBO HILO?

Utaelewa vizuri sababu gani kuna magumu katika dunia.​—Ufunuo 12:12.

Utakuwa na sababu ya kuamini kwamba dunia hii itakuwa muzuri.​—1 Yohana 2:17.

 TUNAWEZA KUAMINI KABISA KWAMBA DUNIA HII ITAKUWA MUZURI?

Ndiyo. Kuna sababu tatu hivi zinazotufanya tuamini kwamba dunia itakuwa muzuri.

  • Utawala wa Shetani umehukumiwa. Yehova ameamua kabisa kumaliza utawala wa Shetani juu ya wanadamu. Ameahidi ‘kumuangamiza . . . Ibilisi,’ na kumaliza mambo yote mabaya ambayo utawala wa Shetani umeleta.​—Waebrania 2:14, Biblia Takatifu​Tafsiri ya Ulimwengu Mpya.

  • Mungu amemuchagua Yesu Kristo kuwa mutawala wa dunia. Yesu iko tofauti kabisa na Shetani. Shetani ni mutawala mukali na mwenye kutafuta faida zake. Kuhusu utawala wa Yesu, Mungu ameahidi hivi: ‘Atamusikitikia mutu wa hali ya chini na masikini . . . Ataikomboa nafsi yao kutoka katika ukandamizaji na katika jeuri.’​—Zaburi 72:13, 14.

  • Mungu hawezi kusema uongo. Biblia inasema waziwazi kwamba ‘Mungu hawezi kamwe kusema uongo.’ (Waebrania 6:18) Yehova akiahidi jambo fulani, ni kama vile jambo hilo limefanywa! (Isaya 55:10, 11) ‘Mutawala wa ulimwengu huu atatupwa inje.’​—Yohana 12:31.

 PENGINE UNAJIULIZA

Dunia itakuwa namna gani kisha mutawala wake, ni kusema Shetani, kuondoshwa?

Biblia inajibu ulizo hilo katika andiko la ZABURI 37:10, 11 na UFUNUO 21:3, 4.