Ona video zinazopatikana

Ona habari zilizo ndani

 ULIZO LA 3

Namna Gani Ninaweza Kuzungumuza na Wazazi Wangu?

Namna Gani Ninaweza Kuzungumuza na Wazazi Wangu?

SABABU GANI ULIZO HILO NI LA MAANA?

Wakati unajikaza kusikilizana muzuri na wazazi wako, maisha yako yanakuwa muzuri pia.

UNGEFANYA NINI?

Wazia jambo hili: Ni Siku ya Tatu mangaribi. Geoff, mwenye kuwa na miaka 17, anamaliza kazi za nyumbani na anataka kupumuzika! Anafungua televizyo na anakaa katika kiti chenye anafurahia sana.

Wakati huo, Baba yake anasimama kwenye mulango, na hana furaha.

Baba yake anamuambia hivi: “Geoffrey! Sababu gani unapoteza wakati wako kuangalia televizyo kuliko kusaidia mudogo yako kufanya devoirs zake za masomo? Kila mara haufanyake mambo yenye wanakuambiaka!”

Geoff anasema-sema kwa sauti ya chini lakini yenye kusikika, “Unaanza tena.”

Baba anamukaribia. “We! Unasema nini?”

Geoff anazungusha-zungusha macho yake na kusema: “Ah, siseme kitu.”

Sasa, Baba anakasirika sana. Anamuambia kwa ukali hivi: “Hapana kunijibu na sauti ya vile.”

Kama ungekuwa Geoff, ungefanya nini ili hali hiyo isitokee?

WAZA KIDOGO!

Kuzungumuza na wazazi wako ni kama vile kutembeza motokari. Kama unapata kizuizi kwenye barabara, unaweza kutafuta njia ingine.

 KWA MUFANO:

Mwanamuke mwenye kuitwa Leah, anasema hivi: “Ninaona kuwa ni vigumu kuzungumuza na baba yangu. Inafikia wakati fulani nikizungumuza naye anasema, ‘Unisamehe, ulikuwa unasema na miye?’”

LEAH ANAWEZA KUFANYA MAMBO TATU.

  1. Anaweza kumufokea baba yake.

    Leah anasema kwa sauti kubwa, “Papa, ni jambo la maana, unisikilize!”

  2. Anaweza kunyamaza.

    Leah anaacha tu kuzungumuza na baba yake kuhusu magumu yake.

  3. Anaweza kuchunga wakati wenye kufaa ili kuzungumuzia tena magumu yake.

    Leah anazungumuza na baba yake moja kwa moja wakati mwengine, ao anamuandikia barua kuhusu magumu yake.

Ungemushauri Leah afanye nini?

FIKIRIA JAMBO HILI: Baba wa Leah hajue magumu ya mutoto wake kwa sababu hamutolee uangalifu. Sasa, kama Leah anachagua Jambo la A, baba yake hawezi kujua sababu gani anasema kwa sauti kubwa. Kama Leah anaamua kufanya hivyo, baba yake hatakuwa tayari kumusikiliza muzuri. Tena, hilo litaonyesha kama anamukosea baba yake heshima na adabu. (Waefeso 6:2) Kwa kweli, jambo hilo haliwezi kuwaletea wote faida.

Kama vile haupende kizuizi fulani chenye kuwa kwenye barabara kikuzuie kuendelea na safari yako, unaweza kupata njia fulani ya kusikilizana na wazazi wako

Hata kama inaweza kuwa mwepesi kufanya Jambo la B, hilo si jambo la hekima kabisa. Sababu gani? Kwa sababu, ili kupambana muzuri na magumu yake, anapaswa kuzungumuza na baba yake. Baba yake anapaswa kujua magumu ya Leah ili kumusaidia. Kunyamaza hakutasaidia kitu.

Kwa kuchagua Jambo la C, Leah anaonyesha kama haruhusu kizuizi kifanye aache kuzungumuza na baba yake. Lakini, anajikaza kuzungumuzia magumu yake wakati wenye kufaa. Na akimuandikia baba yake barua, atajisikia muzuri zaidi.

Kuandika barua kunaweza pia kumusaidia aonyeshe waziwazi mambo yenye alitaka kumuambia baba yake. Wakati anasoma barua ya Leah, baba yake atajua mambo yenye alipenda kumuambia, na jambo hilo litamusaidia kujua magumu ya mutoto wake. Kwa hiyo, jambo la C linasaidia Leah na baba yake. Hata ikuwe kuzungumuza moja kwa moja ao kupitia barua, jambo hilo linafuata shauri hili la Biblia la ‘kufuatilia mambo yanayofanya kuwe amani.’—Waroma 14:19.

Ni mambo gani mengine Leah anaweza kufanya?

Fikiria jambo lenye anaweza kufanya. Kisha uone kama jambo hilo linaweza kuleta matokeo gani.

 USISEME MANENO YENYE YANAWEZA KUELEWEKA MUBAYA

Kumbuka kwamba mambo yenye ulisema na mambo yenye wazazi wako wanawaza ulisema hayawezi kupatana kila mara.

KWA MUFANO:

Wazazi wako wanakuuliza sababu gani hauko na furaha. Unajibu, “Sipendi kuzungumuzia jambo hilo.”

Lakini, wazazi wanaweza kuelewa kwamba unataka kusema hivi: “Siwatumainie kabisa ili kuwaambia mambo yangu. Nitawaambia marafiki wangu magumu yangu, hapana ninyi.”

Wazia unapambana na magumu fulani na wazazi wako wanapenda kukusaidia. Lakini unasema: “Musiogope. Nitamaliza magumu hayo mimi mwenyewe.”

  • Wazazi wako wanaweza kuelewa namna gani?

  • Namna gani unaweza kujibu kwa njia ya muzuri zaidi?