Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Habari Njema Inayotoka kwa Mungu!

 Somo la 1

Habari Njema Ni Nini?

Habari Njema Ni Nini?

1. Ni habari gani njema inayotoka kwa Mungu?

Mungu anataka watu wawe na maisha yenye furaha duniani. Ikiwa Mungu aliiumba dunia na kila kitu kilicho duniani ni kwa sababu anawapenda wanadamu. Hivi karibuni Mungu atafanya kila mutu awe na maisha mazuri duniani. Ataondoa mambo yote yanayowaletea watu mateso.—Soma Yeremia 29:11.

Hakuna serikali ao guvernema ambayo imeweza kuondoa mambo ya kuuana, magonjwa, wala kifo. Lakini Mungu ana habari njema kwa ajili ya watu. Anasema kama hivi karibuni, ataondoa guvernema ao serikali zote za wanadamu na kuweka guvernema yake mahali pa guvernema hizo. Wale watakaotawaliwa na guvernema hiyo watakuwa na amani na afya nzuri.—Soma Isaya 25:8; 33:24; Danieli 2:44.

2. Sababu gani habari njema hiyo inafaa zaidi leo?

Mateso yatakwisha wakati tu Mungu ataondoa watu wabaya duniani. (Sefania 2:3) Atafanya hivyo wakati gani? Tangu zamani, Neno la Mungu lilisema juu ya hali zinazowasumbua wanadamu leo. Mambo mbalimbali yanayotokea duniani leo yanaonyesha kama wakati ambao Mungu ataondoa mateso unakaribia.—Soma 2Timotheo 3:1-5.

3 Tunapaswa kufanya nini?

Tunapaswa kujifunza juu ya Mungu kupitia Biblia, Neno lake. Biblia ni kama barua inayotoka kwa baba mwenye upendo. Inatuonyesha mambo tunayopaswa kufanya ili tuwe na maisha mazuri leo, na ili tupate uzima wa milele duniani wakati ujao. Kwa kweli, labda watu fulani hawatafurahi wanapokuona unajifunza Biblia. Lakini, ukiacha kujifunza Biblia kwa sababu ya kuogopa watu, hautapata pia maisha hayo mazuri ambayo Mungu ametuahidi.​—Soma Methali 29:25; Ufunuo 14:6, 7.