Ona video zinazopatikana

Ona habari zilizo ndani

 Somo la 13

Tuna Habari Njema Gani juu ya Dini?

Tuna Habari Njema Gani juu ya Dini?

1. Je, kila dini ni ya kweli?

Katika kila dini muna watu wenye mioyo mizuri. Ndiyo sababu kujua kama Mungu anawaona na kuwahangaikia watu hao ni habari njema kabisa. Lakini, inahuzunisha sana kuona kama dini inawasukuma watu kutenda mambo mabaya sana. (2 Wakorintho 4:3, 4; 11:13-15) Habari fulani zinaonyesha kama dini fulani zimejiingiza katika mambo ya terrorisme (mauaji na mashambulizi yenye makusudi fulani ya politike), mauaji makubwa, vita, na kuwatendea watoto vibaya. Hakika, matendo hayo mabaya yanawachukiza wale waamini wa Mungu wenye mioyo mizuri.​—Soma Mathayo 24:3-5, 11, 12.

Dini ya kweli inamutukuza Mungu, lakini dini ya uongo inamuchukiza. Dini ya uongo inafundisha mafundisho yasiyopatikana katika Biblia, kama vile mafundisho fulani ya uongo juu ya Mungu na juu ya watu waliokufa. Lakini, Yehova anataka watu wajue kweli juu yake.​—Soma Ezekieli 18:4; 1 Timotheo 2:3-5.

2. Tuna habari gani njema juu ya dini?

Jambo la kufurahisha ni hili: Mungu hadanganywe na dini zinazosema kama zinamupenda lakini kwa kweli zinapenda mambo ya ulimwengu unaoongozwa na Shetani. (Yakobo 4:4) Neno la Mungu linaita dini zote za uongo ‘Babiloni Mukubwa.’ Babiloni ulikuwa muji wa kale ambamo dini ya uongo ilianzia kisha Garika ya siku za Noa. Hivi karibuni, Mungu ataharibu kwa gafula dini zote za uongo, zinazowadanganya na kuwatesa wanadamu, yaani, Babiloni Mukubwa.—Soma Ufunuo 17:1, 2, 5, 16, 17; 18:8.

Habari ingine njema ni hii: Yehova hawasahau wale watu wenye mioyo mizuri ambao wanatawanyika katika dini za uongo duniani pote. Tayari Yehova anaongoza kazi ya kuwakusanya katika ibada moja ili kuwafundisha kweli.​—Soma Mika 4:2, 5.

 3. Wale watu wenye mioyo mizuri wanapaswa kufanya nini?

Dini ya kweli inaunganisha watu

Yehova anawahangaikia watu ambao wanapenda mambo mazuri na yaliyo kweli. Anawaomba watu hao waachane na dini ya uongo. Watu wanaomupenda Mungu hawasite kufanya mabadiliko ili kumupendeza.—Soma Ufunuo 18:4.

Wakati wa mitume, watu wenye mioyo mizuri waliposikia habari njema, waliipokea kwa furaha. Yehova aliwafundisha namna ya kubadilisha kabisa maisha yao, ndipo maisha yao yakawa yenye furaha zaidi, yenye kusudi na tumaini. Watu hao walituachia mufano muzuri kwa sababu, kisha kupokea habari njema, walimutia Yehova pa nafasi ya kwanza katika maisha yao.—Soma 1 Wathesalonike 1:8, 9; 2:13.

Watu wanapoachana na dini ya uongo, Yehova anawakaribisha katika familia ya waabudu wake. Wewe pia ukikubali mwaliko wenye upendo wa Yehova, utakuwa rafiki yake, utapata familia mupya ya waabudu wa Yehova wenye upendo, na utapata uzima wa milele.—Soma Marko 10:29, 30; 2 Wakorintho 6:17, 18.

4. Namna gani Mungu atafurahisha watu wa inchi zote?

Habari ingine njema ni kwamba hukumu ya dini ya uongo inakaribia. Dini ya uongo haitawatesa tena watu duniani, haitawadanganya tena wala kuwafanya wawe wenye kugawanyika. Watu wote wataungana katika ibada moja tu, ibada ya kweli ya Mungu.—Soma Ufunuo 18:20, 21; 21:3, 4.